ന്യൂഡൽഹി: മോദിയുടെ ഭീരുത്വമാണ് ഇന്ത്യൻ മണ്ണ് ചൈന കൈയേറാൻ ഇടയാക്കിയതെന്ന് രാഹുൽ ഗാന്ധി. പ്രധാനമന്ത്രി ഒഴിച്ച് ബാക്കി എല്ലാവരും ഇന്ത്യൻ സൈന്യത്തിൻറെ പ്രാപ്‌തിയിലും ശൗര്യത്തിലും വിശ്വസിക്കുന്നുണ്ടെന്നും രാഹുൽ ട്വിറ്ററിൽ കുറിച്ചു.
പ്രധാനമന്ത്രിയുടെ ഭീരുത്വം നമ്മുടെ ഭൂമി കൈയടക്കാൻ ചൈനയെ അനുവദിച്ചു. അദ്ദേഹം കള്ളങ്ങൾ കൊണ്ട് ചൈനയെ പിന്താങ്ങുകയാണെന്നും രാഹുൽ വ്യക്തമാക്കി.
ഇന്ത്യയുടെ ശക്തി എന്താണെന്ന് ലഡാക്കിൽ ലോകം കണ്ടതാണെന്നാണ് സ്വാതന്ത്ര്യ ദിനത്തിൽ ചെങ്കോട്ടയിൽ നടത്തിയ പ്രസംഗത്തിൽ പ്രധാനമന്ത്രി പറഞ്ഞത്. നിയന്ത്രണരേഖ മുതൽ യഥാർഥ നിയന്ത്രണരേഖ വരെ ശക്തമായ നടപടി രാജ്യം സ്വീകരിച്ചത് കണ്ടതാണ്.
