മൂന്നാർ: പെട്ടിമുടി ദുരന്തത്തിൽ പെട്ടവരിൽ ഒരാളുടെ കൂടി മൃതദേഹം കണ്ടെത്തി. ഇതോടെ മരിച്ചവരുടെ എണ്ണം 53 ആയി. ഇന്നലെ മൃതദേഹങ്ങൾ കണ്ടെത്തിയ സ്ഥലത്തു തന്നെയാണ് ഇന്നും തിരച്ചിൽ പുരോഗമിക്കുന്നത്. ഇന്നലെ മൂന്നു മൃതദേഹങ്ങളാണ് കണ്ടെത്തിയത്.
എൻഡിആർഎഫ്, പോലീസ്, ഫയർഫോഴ്സ്, വനംവകുപ്പ്, സ്കൂബാ ഡൈവിംഗ് ടീം, റവന്യു, ആരോഗ്യം, പഞ്ചായത്ത്, സന്നദ്ധപ്രവർത്തകർ, തമിഴ്നാട് വെൽഫെയർ തുടങ്ങിയ സംഘങ്ങളാണ് വിവിധയിടങ്ങളിലെ തെരച്ചിലിനു നേതൃത്വം നൽകുന്നത്.
പ്രതികൂല കാലാവസ്ഥയെത്തുടർന്ന്ചൊവ്വാഴ്ച തെരച്ചിൽ വൈകുന്നേരം നാലോടെ അവസാനിപ്പിച്ചിരുന്നു. ഇന്ന് രാവിലെയാണ് വീണ്ടും തെരച്ചിൽ ആരംഭിച്ചത്.
