പാലാ: ഡിസംബർ 1 ലോക എയ്ഡ്സ് ദിനാചരണം ആരോഗ്യ വകുപ്പ്, സംസ്ഥാന എയ്ഡ്സ് നിയന്ത്രണ സൊസൈറ്റി, ആരോഗ്യ കേരളം, ജനമൈത്രി പോലീസ്, പാലാ ബ്ലഡ് ഫോറം എന്നിവയുടെ നേത്യത്വത്തിൽ നടത്തപ്പെടുന്നു. ജില്ലാ - താലൂക്ക് കേന്ദ്രങ്ങളിൽ ദീപം തെളിയിക്കൽ, ബോധവത്കരണ പ്രദർശനങ്ങൾ, ബോധവത്കരണ വെബിനാറുകൾ, മെഗാ രക്തദാന ക്യാമ്പ്, പൊതുസമ്മേളനം തുടങ്ങി വിവിധ പരിപാടികളോടെയാണ് ജില്ലയിൽ നടത്തുന്നത്.
ലോക എയ്ഡ്സ് ദിനാചരണത്തിൻ്റെ ജില്ലാതല ഉദ്ലാടനവും മെഗാ രക്തദാന ക്യാമ്പും നാളെ പാലായിൽ നടക്കുന്നു. രാവിലെ 10 മണിക്ക് പാലാ പോലീസ് അങ്കണത്തിൽ ജില്ലാ മെഡിക്കൽ ഓഫീസർ ഡോ.ജേക്കബ് വർഗീസിൻ്റെ അദ്ധ്യക്ഷതയിൽ നടക്കുന്ന സമ്മേളനം ജില്ലാാ പോലീസ് ചീഫ് .ജയദേവ് ഐ പി എസ് ഉദ്ഘാടനംം ചെയ്യും.പാലാ രൂപതാ സഹായ മെത്രാൻ മാർ ജേക്കബ് മുരിക്കൻ അനുഗ്രഹ പ്രഭാഷണവും ജില്ലാ പ്രോഗ്രാം മാനേജർ ഡോ.വ്യാസ് സുകുമാരൻ മുഖ്യപ്രഭാഷണവും ജനമൈത്രി ജില്ലാ നോഡൽ ഓഫീസർ നാർക്കോട്ടിക് സെൽ ഡി വൈ എസ് പി വിനോദ് പിള്ള പ്രതിജ്ഞയും പാലാ ഡി വൈ എസ് പി സാജു വർഗീസ് രക്തദാന ക്യാമ്പിൻ്റെ ഉദ്ഘാടനവും പാലാ ബ്ലഡ് ഫോറം ജനറൽ കൺവീനർ ഷിബു തെക്കേമറ്റം രക്തദാന സന്ദേശവും നല്കും. ജില്ലാ എയ്ഡ്സ് കൺട്രോൾ ഓഫീസർ ഡോ. ട്വിങ്കിൾ പ്രഭാകരൻ, ജില്ലാ മാസ് മീഡിയാ ഓഫീസർ ഡോമി ജോൺ, പാലാ എസ് എച്ച് ഓ അനുപ് ജോസ്, ജനമൈത്രി സി ആർ ഓ ഷാജിമോൻ എ റ്റി എന്നിവർ പ്രസംഗിക്കും.
രക്തദാന ക്യാമ്പുകൾ കോട്ടയം ലയൺസ് എസ് എച്ച് എം സി ബ്ലഡ് ബാങ്കും പാലാ കിസ്കോ മരിയൻ ബ്ലഡ് ബാങ്കും നയിക്കും.
കോവിഡ് മാനദണ്ഡങ്ങൾ അനുസരിച്ചാണ് പരിപാടികളും രക്തദാന ക്യാമ്പും നടത്തുന്നതെന്നും ക്യാമ്പിൽ പങ്കെടുത്ത് രക്തം ദാനം ചെയ്യാൻ താല്പര്യമുള്ളവർ 9447043388 എന്ന നമ്പരിൽ ബന്ധപ്പെടാവുന്നതാണെന്നും പാലാ ബ്ലഡ് ഫോറം ജനറൽ കൺവീനർ ഷിബു തെക്കേമറ്റം അറിയിച്ചു.
