കോട്ടയം നഗരത്തിൽ നിന്നും കാണാതായ യുവാവിനെ എറണാകുളത്ത് മരിച്ച നിലയിൽ കണ്ടെത്തി. കോട്ടയം ചന്ത കവലയിലെ സ്വകാര്യ സ്ഥാപനത്തിലെ ജീവനക്കാരനായ യുവാവിനെ ആണ് എറണാകുളം മറൈൻഡ്രൈവിൽ സമീപത്തെ കുഴിയിൽ മരിച്ചനിലയിൽ കണ്ടെത്തിയത്. ചൊവ്വാഴ്ച ഉച്ചയോടെയാണ് യുവാവിനെ മൃതദേഹം മറൈൻഡ്രൈവിന്റെ സമീപത്ത് നിന്ന് കണ്ടെത്തിയത്.
ശിവപുരം പടുപാറ സുബൈദ മൻസിലിൽ അസുറുദ്ദീൻ (23) ആണ് കാണാൻ ഇല്ലെന്നുള്ള പരാതിയുടെ അടിസ്ഥാനത്തിൽ വെസ്റ്റ് പോലീസ് കേസെടുത്തത്. ഇയാൾക്കായി തിരച്ചിൽ തുടരുന്നതിനിടെയാണ് കൊച്ചിയിൽ നിന്ന് മൃതദേഹം കണ്ടെത്തിയത്.
കോട്ടയം നഗരമധ്യത്തിലെ മൊബൈൽ ഷോപ്പ് ജീവനക്കാരനായ യുവാവിനെ കാണാനില്ലെന്ന് കഴിഞ്ഞദിവസമാണ് കോട്ടയം വെസ്റ്റ് പോലീസിൽ പരാതി ലഭിച്ചത്. ജോലിയുടെ ആവശ്യത്തിലേക്ക് എന്ന പേരിൽ എറണാകുളം ഭാഗത്തേക്ക് പോകുകയായിരുന്നു ഇദ്ദേഹം. പിന്നീട് യുവാവിനെ പിന്നെ കാണാനില്ലെന്ന് പരാതി ഉയരുകയായിരുന്നു. തുടർന്നാണ് ബന്ധുക്കൾ പോലീസിൽ പരാതി നൽകിയത്.
കാണാതായ യുവാവിനെ മൊബൈൽ ടവർ പിന്തുടർന്ന് പോലീസ് സംഘം നടത്തിയ അന്വേഷണത്തിലാണ് ഇയാൾ എറണാകുളം ഭാഗത്ത് ഉണ്ടെന്ന് കണ്ടെത്തിയത്. തുടർന്ന് ഇയാളുടെ ഫോണിൽ നിന്നും അവസാനം പോയ കോൾ കേന്ദ്രീകരിച്ച് അന്വേഷണം നടത്തുകയായിരുന്നു. ഇയാളുടെ സുഹൃത്തായ ഒരു പെൺകുട്ടിയാണ് അവസാനം ഫോൺ ചെയ്തതെന്ന് പോലീസ് സംഘം കണ്ടെത്തി. തുടർന്ന് പോലീസ് സംഘം യുവാവ് അവസാനം ഉണ്ടായിരുന്നു എന്ന് പറയപ്പെടുന്ന മറൈൻഡ്രൈവിലെ സമീപത്തുള്ള സ്ഥലത്ത് നിന്ന് മൃതദേഹം കണ്ടെത്തുകയായിരുന്നു.
പോലീസ് സംഘം സ്ഥലത്തെത്തി മൃതദേഹം ആശുപത്രിയിലേക്ക് മാറ്റി. യുവാവിനെ ബന്ധുക്കളും സുഹൃത്തുക്കളും അടക്കമുള്ളവർ ആളെ തിരിച്ചറിഞ്ഞിട്ടുണ്ട്. പോസ്റ്റ്മോർട്ടം അടക്കമുള്ള നടപടികൾ പൂർത്തിയായ ശേഷം മാത്രമേ മരണകാരണം വ്യക്തമാവുകയുള്ളൂ എന്ന് പോലീസ് അറിയിച്ചു.
