മുണ്ടക്കയം കോരുത്തോട് കോസടിക്ക് സമീപം നിയന്ത്രണം വിട്ട കാർ വീടിന് മുകളിലേയ്ക്ക് മറിഞ്ഞ് ഒരാൾ മരിച്ചു. കോരുത്തോട് കൊച്ചു തെക്കേൽ ജോജി സെബാസ്റ്റ്യൻ (47) ആണ് മരിച്ചത്. കോസടി ഷാപ്പുംപടിക്ക് സമീപമായിരുന്നു അപകടം.
മുണ്ടക്കയം ഭാഗത്ത് നിന്നും എത്തിയ കാർ നിയന്ത്രണം വിട്ട് വൈദ്യുതി പോസ്റ്റിലിടിച്ച ശേഷം വഴിയുടെ താഴെയുള്ള വീടിന് മുകളിലേക്ക് മറിയുകയായിരുന്നു.
ഞായറാഴ്ച ഉച്ചകഴിഞ്ഞ് രണ്ടരയോടെയായിരുന്നു അപകടം. അപകടത്തിൽ വീടിനും കേടുപാടുകൾ സംഭവിച്ചിട്ടുണ്ട്. കോരുത്തോട് പള്ളിപ്പടി സെന്റ് ജോർജ് ബേക്കറി ഉടമയാണ് മരിച്ച ജോജി. ഭാര്യ: റീന (കോരുത്തോട് സെന്റ് ജോർജ് പബ്ലിക് സ്കൂൾ അധ്യാപിക). മക്കൾ: ഹന്ന, ആഞ്‌ജലിക്. സംഭവത്തിൽ പൊലീസ് കേസെടുത്തു.
