പാലാ: മിസ്റ്റർ ഇന്ത്യ ബോഡിബിൽഡിംഗ് ചാമ്പ്യൻഷിപ്പിൽ മൂന്നാംസ്ഥാനവും, മിസ്റ്റർ യൂണിവേഴ്സ് ചാമ്പ്യൻഷിപ്പിൽ ആറാം സ്ഥാനവും കരസ്ഥമാക്കിയ ഇന്ത്യയുടെ അഭിമാനവും പാലായുടെ സ്വകാര്യ അഹങ്കാരാവും ആയ ജോസ് പി റ്റി പുളിക്കൽ എന്ന ജോസുകുട്ടിയെ പൊന്നാട അണിയിച്ച് ആദരിച്ച് പാലാ നഗരസഭ ചെയർമാൻ ആന്റോ ജോസ് പടിഞ്ഞാറേക്കര.
ജോസുകുട്ടിയുടെ വസതിയിൽ വച്ച് ചേർന്ന അനുമോദന ചടങ്ങിൽ വൈസ് ചെയർപേഴ്സൺ സിജി പ്രസാദ് അധ്യക്ഷത വഹിച്ചു. വാർഡ് കൗൺസിലർ ഷീബ ജിയോ ചടങ്ങുകൾക്ക് നേതൃത്വം നൽകി. കൗൺസിലർമാരായ ലീന സണ്ണി പുരയിടം, അഡ്വക്കേറ്റ് ബിനു പുളിക്കക്കണ്ടം, ജോസിൻ ബിനോ എന്നിവരും പൊന്നാട അണിയിച്ച് ജോസുകുട്ടിയെ ആദരിച്ചു.
പാലാ നഗരസഭ ജീവനക്കാരനായ സിബിയും ജോസുകുട്ടിയുടെ ട്രയിനറായ വർക്കിച്ചൻ (ഹെർകുലീസ് ജിം പാലാ) യും യോഗത്തിൽ സന്നിഹിതരായിരുന്നു. വരുംകാലങ്ങളിലും ജോസുകുട്ടിക്ക് ഇന്ത്യയുടെയും പാലായുടെയും യശസ്സ് വാനോളം ഉയർത്തുവാൻ ആകട്ടെ എന്ന് ചെയർമാൻ ആന്റോ ജോസ് പടിഞ്ഞാറേക്കര ആശംസിച്ചു. കൊച്ചുറാണി, ജോസുകുട്ടിയുടെ പിതാവ് തങ്കച്ചൻ, മാതാവ് ഷാന്റി തങ്കച്ചൻ, സഹോദരൻ തോമസുകുട്ടി , ഭാര്യ ഹരിത ജോസുകുട്ടി, മക്കൾ ജൊഹാൻ, ഇവാൻ എന്നിവരും സുഹൃത്തുക്കളും ബന്ധുമിത്രാദികളും യോഗത്തിൽ സന്നിഹിതരായിരുന്നു.
