കാവുംകണ്ടം: ചെറുപുഷ്പ മിഷൻ ലീഗ് കാവുംകണ്ടം ശാഖയുടെ ആഭിമുഖ്യത്തിൽ ഓഗസ്റ്റ് 9 ചൊവ്വാഴ്ച രാവിലെ 9:30 മുതൽ കാവുംകണ്ടം പാരിഷ് ഹാളിൽ ഏകദിന സെമിനാർ നടത്തും. ജിയാമോൾ ജിജോ കൂറ്റക്കാവിൽ അധ്യക്ഷത വഹിക്കും.
വികാരി ഫാ. സ്കറിയ വേകത്താനം സെമിനാർ ഉദ്ഘാടനം ചെയ്യും. ഹെഡ്മാസ്റ്റർ സണ്ണി വാഴയിൽ മുഖ്യപ്രഭാഷണം നടത്തും. സിസ്റ്റർ ലിൻസി പുത്തൻപുരയ്ക്കൽ, ഫാ. സ്കറിയ വേകത്താനം എന്നിവർ ക്ലാസ് നയിക്കും. തുടർന്ന് വിവിധ കലാപരിപാടികൾ അരങ്ങേറും.
സിസ്റ്റർ സൗമ്യ ജോസ് വട്ടങ്കിയിൽ, ജോഹാൻ വലിയപറമ്പിൽ, ആൻമരിയ തേനംമാക്കൽ, ആര്യ പീടികയ്ക്കൽ, ജീന ഷാജി താന്നിക്കൽ, ആൽഫി മുല്ലപ്പള്ളിൽ, അന്നു വാഴയിൽ സെബിൻ താച്ചാർകുന്നേൽ തുടങ്ങിയവർ പരിപാടികൾക്ക് നേതൃത്വം നൽകും.
