തലനാട് പഞ്ചായത്തിലെ വിവിധ വികസന പദ്ധതികൾക്ക് ജോസ് കെ മാണി എംപി ഫണ്ടിൽ നിന്നും തുക അനുവദിച്ചു. ഇല്ലിക്കൽ - സിഎസ്ഐ പള്ളി റോഡിന് 25 ലക്ഷം രൂപയും, അടുക്കം ഗവ.ഹൈസ്കൂളിൽ അടുക്കള നിർമ്മിക്കാൻ 15 ലക്ഷം രൂപയും, ഞള്ളംമ്പുഴ - കാരിക്കാട് റോഡിന് 495000 രൂപയുമാണ് അനുവദിച്ചിരിക്കുന്നത്.
കേരളാ കോൺഗ്രസ്സ് (എം) തലനാട് മണ്ഡലം കമ്മറ്റി മണ്ഡലം പ്രസിഡണ്ട് സലിം യാക്കിരി, സംസ്ഥാന സെക്രട്ടറി പ്രഫ.ലോപ്പസ്സ് മാത്യൂ, അഡ്വ.ബിജു ഇളംതുരുത്തിയിൽ, ജോണി ആലാനിക്കൽ, വൽസമ്മ ഗോപിനാഥ്, മാത്യൂ ചെറിയാൻ എന്നിവരുടെ നേത്യത്വത്തിൽ ജോസ് കെ മാണിക്ക് നൽകിയ നിവേദനത്തെ തുടർന്നാണ് ഫണ്ട് അനുവദിച്ചത്.
ഈ വർക്കുകൾ ഉടൻ ആരംഭിക്കാൻ എംപി ബന്ധപ്പെട്ട ഉദ്വേഗസ്ഥർക്ക് നിർദേശം നൽകി.
