സമഗ്രശിക്ഷ കേരളത്തിൻറെ നേതൃത്വത്തിൽ കോട്ടയം ജില്ലയിലെ 12 ഹയർ സെക്കൻഡറി സ്കൂളുകളിൽ കാലാവസ്ഥ നിരീക്ഷണകേന്ദ്രം തുറക്കുന്നു. പാലാ, ഈരാറ്റുപേട്ട, കടപ്പൂർ, കുമരകം, പനമറ്റം, താഴത്ത് വടകര, തൃക്കൊടിത്താനം, വൈക്കം ഗേൾസ്, വടക്കേക്കര, വൈക്കം ബോയിസ്, മുരിക്കുംവയൽ തുടങ്ങി 12 സ്കൂളുകളിലാണ് പദ്ധതി നടപ്പാക്കുന്നത്.
കാലാവസ്ഥ വ്യതിയാനം, പ്രകൃതി ദുരന്തങ്ങളുടെ സാധ്യത എന്നിവ നിരീക്ഷിക്കാനും പഠിക്കാനും അവസരമുണ്ടാകും. മഴയുടെ തോത് അളക്കാൻ ഉപയോഗിക്കുന്ന മഴമാപിനി, കാറ്റിൻറെ തീവ്രത അളക്കുന്നതിന് കപ്പ് കൗണ്ടർ അനിമോ മീറ്റർ, കാറ്റിൻറെ ദിശ മനസ്സിലാക്കാൻ വിൻഡ് വെയിൻ, അന്തരീക്ഷത്തിലെ ആർദ്രത അളക്കാൻ വെറ്റ് ആൻഡ് ഡ്രൈ ബൾബ് തെർമോമീറ്റർ -
രണ്ട് സമയങ്ങൾക്ക് ഇടയിലുള്ള കൂടിയതും കുറഞ്ഞതുമായ താപനില രേഖപ്പെടുത്തുന്നതിന് സിക്സ് മാക്സിമം മിനിമം തെർമോമീറ്റർ, നിരീക്ഷണ കേന്ദ്രത്തിൽ പ്രത്യേകം സജ്ജമാക്കിയ സ്റ്റീവൻ സൺസ്ക്രീൻ ഉൾപ്പെടെ ഇന്ത്യൻ മെട്രോളജി വകുപ്പ് ഉപയോഗിക്കുന്ന ഉപകരണങ്ങളാണ് സജ്ജീകരിച്ചിരിക്കുന്നത്.
എല്ലാവരാലും ഉപേക്ഷിക്കപ്പെട്ടവരെ സംരക്ഷിക്കുന്നവർക്ക് സഹായം ഉറപ്പുവരുത്തേണ്ടതുണ്ടെന്നും അവർ പറഞ്ഞു. വനിതാ കോൺഗ്രസ് അവശ്യപ്പെട്ടു.
