മുസ്‌ലിംലീഗ് എല്ലാക്കാലത്തും സമാധാനത്തിന്റെ വക്താക്കളാണെന്നു മാണി സി കാപ്പൻ എം എൽ എ അഭിപ്രായപ്പെട്ടു. ബാബ്‌റി പള്ളി തർക്കത്തിന്റെ കാലത്തും സമുദായ സൗഹാർദ്ദത്തിലൂന്നിയുള്ള മുസ്‌ലിം ലീഗിന്റെ സമവായ നയമാണ് വിദേശരാജ്യങ്ങളുടെ പോലും പ്രശംസയ്ക്ക്
കാരണമായതെന്നും കാപ്പൻ കൂട്ടിച്ചേർത്തു.
മുസ്‌ലിം യൂത്ത് ലീഗ് സംസ്ഥാന കമ്മിറ്റിയുടെ ആഹ്വാന പ്രകാരം നടത്തി വരുന്ന ദോത്തി ചലഞ്ചിന്റെ ഭാഗമായുള്ള പാലാ മണ്ഡലംതല ഉദ്ഘാടനം മാണി.സി.കാപ്പൻ എം. എൽ. എക്ക്‌ നൽകി കൊണ്ട് ഉള്ള ചടങ്ങിൽ സംസാരിക്കുകയായിരുന്നു മാണി സി കാപ്പൻ.
സംസ്ഥാന വൈസ് പ്രസിഡണ്ട് കെ.എ. മാഹിൻ, ജില്ലാ ജനറൽ സെക്രട്ടറി അഡ്വ.വി.പി നാസർ, ലീഗ് നി.മണ്ഡലം പ്രസിഡണ്ട് അനസ് കണ്ടത്തിൽ, ജനറൽ സെക്രട്ടറി അനസ് ഇലവനാൽ, യൂത്ത് ലീഗ് നി. മണ്ഡലം പ്രസിഡണ്ട് ഹബീബുള്ള വാഴമറ്റം തു‌ടങ്ങിയവർ പങ്കെടുത്തു.
