പാലാ പാരലൽ റോഡിൽ ഇന്ന് മുതൽ ഗതാഗത നിയന്ത്രണം ഏർപ്പെടുത്തും. മിനി സിവിൽ സ്റ്റേഷന് സമീപം റോഡ് പൂർണ്ണമായും പൊളിച്ച് നിർമ്മാണ പ്രവർത്തനം തുടരുന്നതിനായി മിനി സിവിൽ സ്റ്റേഷൻ ജംഗ്ഷൻ മുതൽ ആർ.വി. ജംഗ്ഷൻ വരെ ഉള്ള വാഹന ഗതാഗതം ഇന്ന് രാവിലെ മുതൽ പണി തീരും വരെ പൂർണ്ണമായും നിരോധിച്ചിട്ടുള്ളതായി പി.ഡബ്ലൂ.ഡി പാലാ അസി.എഞ്ചിനീയർ അറിയിച്ചു.
പാലാ അമലോത്ഭവ ജൂബിലി തിരുന്നാൾ പ്രമാണിച്ചുണ്ടാവുന്ന തിരക്ക് നിയന്ത്രിക്കുവാൻ ബൈപ്പാസ് റോഡ് അടിയന്തിരമായി പണി തീർക്കുവാനുള്ള ശ്രമമാണ് അധികൃതർ നടത്തി കൊണ്ടിരിക്കുന്നത്.
റോഡിന്റെ നടുക്കുള്ള വൈദ്യുത തൂണുകൾ മാറ്റി സ്ഥാപിച്ചിട്ടുണ്ടെങ്കിലും കനത്ത മഴ മൂലം നിർമ്മാണ ജോലികൾ തടസ്സപ്പെടുകയായിരുന്നു. ജൂബിലി പെരുന്നാളിന് മുൻപ് റോഡ് ഗതാഗത യോഗ്യമാക്കാനുള്ള ശ്രമമാണ് ഇപ്പോൾ നടത്തിക്കൊണ്ടിരിക്കുന്നത്.
