പാലാ വള്ളിച്ചിറയിലെ ചെറുകര ബസ് കാത്തിരിപ്പ് കേന്ദ്രം വൃത്തിയാക്കി എൻസിസി നാവിക വിഭാഗം കേഡറ്റുകൾ. പാലാ സെന്റ് തോമസ് കോളേജിലെ എൻസിസി നാവിക വിഭാഗം കേഡറ്റുകളാണ് ഈ പ്രവർത്തനം ഏറ്റെടുത്ത് നടത്തി നാടിനു മാതൃകയായത്.
കരൂർ ഗ്രാമ പഞ്ചായത്തിലെ 11ാം വാർഡിലെ ബസ് കാത്തിരിപ്പ് കേന്ദ്രമാണ് കേഡറ്റുകൾ വൃത്തിയാക്കുകയും, നിറം നൽകി മനോഹരമാക്കുകയും ചെയ്തത്.
വെയിറ്റിംഗ് ഷെഡ് പെയിന്റിങിന് മുൻപ്
കരൂർ ഗ്രാമപഞ്ചായത്ത് പ്രസിഡൻ്റ് മഞ്ജു ബിജുവിൻ്റെയും, വാർഡ് മെമ്പർ പ്രിൻസ് അഗസ്റ്റിൻ്റെയും സഹകരണത്തോടെയാണ് വെയിറ്റിംഗ് ഷെഡ് പെയിന്റടിച്ച് മനോഹരമാക്കിയത്.
2 ദിവസം നീണ്ടു നിന്ന മിനുക്കുപണികൾക്ക് വലിയ ജനപിന്തുണയാണ് ലഭിച്ചത്.എൻസിസി നാവിക വിഭാഗം സിറ്റിഒ ഡോ അനീഷ് സിറിയക്, കേഡറ്റ് ക്യാപ്റ്റൻ ശ്രീജിത്ത് വി, കേഡറ്റുകളായ അഭിജിത്ത് എംഎസ് ,അഭിഷേക് എന്നിവർ പരിപാടിക്ക് നേതൃത്വം നൽകി.
