പാലാ: കേരള വ്യാപാരി വ്യവസായി ഏകോപന സമിതി യൂത്ത് വിംഗ് പാലാ യൂണിറ്റും പാലാ നഗരസഭയും സംയുക്തമായി ലോകകപ്പ് ഫൈനല്‍ മത്സരം ബിഗ് സ്‌ക്രീനില്‍ പ്രദര്‍ശിപ്പിക്കുന്നു.
18 ന് രാത്രി 8.30 ന് പാലാ ടൗൺ ഹാളിലാണ് സൗജന്യ പ്രദർശനം. ജോസ് കെ മാണി എംപി സ്വിച്ച് ഓൺ കർമ്മം നിർവ്വഹിക്കും.
പാലാ നഗരസഭ ചെയർമാൻ ആൻ്റോ ജോസ് പടിഞ്ഞാറേക്കര, വ്യാപാരി വ്യവസായി ഏകോപന സമിതി പ്രസിഡൻ്റ് മുൻ എംപി വക്കച്ചൻ മറ്റത്തിൽ, യൂത്ത് വിംഗ് പ്രസിഡൻ്റ് ആൻ്റണി അഗസ്റ്റ്യൻ കുറ്റിയാങ്കൽ, സെക്രട്ടറി ജോൺ ദർശന ഒപ്റ്റിക്കൽസ്, ട്രഷറർ എബി സൺജോസ്, പ്രോഗ്രാം കോഡിനേറ്റർ ബൈജു കൊല്ലംപറമ്പിൽ തുടങ്ങിയവർ നേതൃത്വം നൽകും. ലോകഫുട്ബോളിലെ വമ്പൻമാരായ അർജൻ്റീനയും ഫ്രാൻസും തമ്മിലുള്ള ഫൈനൽ ആവേശപോരാട്ടമാണ് 18ന്. ലോകകപ്പ് സെമിഫൈനൽ മത്സരങ്ങൾ ടൗൺഹാളിൽ പ്രദർശിപ്പിച്ചിരുന്നു.
മത്സരം ആവേശം ഒട്ടും ചോരാതെ ബിഗ് സ്ക്രീനിൽ കണ്ട് ആസ്വദിക്കാൻ ഏവരെയും മുനിസിപ്പൽ ടൗൺഹാളിലേക്ക് സ്വാഗതം ചെയ്യുന്നതായി സംഘാടകർ അറിയിച്ചു.
