പാലാ: കടനാട് പഞ്ചായത്തിലെ എലിവാലി- കാവുംകണ്ടം റോഡ് നവീകരണത്തിന് പൊതുമരാമത്ത് വകുപ്പ് 3 കോടി രൂപയുടെ ഭരണാനുമതി നൽകി. ടാറിംഗ് തകർന്ന് കിടക്കുന്ന ഈ റോഡിൽ ഉടൻ നവീകരണ പ്രവർത്തനങ്ങൾക്കായി ടെൻഡർ ക്ഷണിക്കും.
എൽ.ഡി.എഫ് കടനാട് ഏരിയാ കമ്മിറ്റി പൊതുമരാമത്ത് മന്ത്രിക്ക് നൽകിയ നിവേദനത്തിൻ്റെ അടിസ്ഥാനത്തിലാണ് നവീകരണ പ്രവർത്തനങ്ങൾക്ക് തുക അനുവദിച്ചത്.
തകർന്നു കിടക്കുന്ന റോഡ് നവീകരണത്തിന് അനുമതി നൽകിയ പൊതുമരാമത്ത് വകുപ്പു മന്ത്രിയെ എൽ.ഡി.എഫ് നേതൃയോഗം അഭിനന്ദിച്ചു.
