സിപിഐഎമ്മിൽ നിന്നും വിവിധ രാഷ്ട്രീയപാർട്ടിയിൽ നിന്നും നിരവധി പേർ സിപിഐയിലേക്ക്. തീക്കോയി പഞ്ചായത്തിലെ വെള്ളികുളം വഴിക്കടവ് ഭാഗത്തുള്ള 12 ഓളം പേർ ആണ് വിവിധ പാർട്ടിയിൽ നിന്ന് രാജിവച്ച് സിപിഐയിൽ ചേർന്നത്.
പാർട്ടി നിലപാടുകളിൽ നിന്നുള്ള വ്യതിചലനവും ചിലരുടെ ഏകാധിപത്യവും ആണ് പാർട്ടി വിടാൻ കാരണമെന്ന് ഇവർ പറഞ്ഞു. തങ്കച്ചൻ വരിക്കൻപ്ലാക്കൽ, ജിൻസ് മാത്യു അത്യാലിൽ, ബെന്നി പള്ളികുന്നേൽ, ജിജി കുഞ്ഞുമോൻ വെട്ടിപ്പറമ്പിൽ, ദേവസ്യ നടുവത്തേട്ട്( കുഞ്ഞേട്ടൻ) എംജെ എബ്രഹാം( കുഞ്ഞ്) നടുപറമ്പിൽ, ബാലകൃഷ്ണൻ മൂഴിപറമ്പിൽ, അനീഷ് പുത്തൻപുരയ്ക്കൽ, ജോസഫ് സി ജെ ചൊവ്വാറ്റു കുന്നേൽ, സോജൻ ജോർജ് പുത്തൻവീട്ടിൽ, ഗോപാലകൃഷ്ണൻ മൂഴിപറമ്പിൽ, ഷൈജു പിഎസ് പുത്തൻപുരയ്ക്കൽ എന്നിവരെ സിപിഐ കോട്ടയം ജില്ലാ കമ്മിറ്റി അംഗം എംജി ശേഖരൻ രക്തഹാരം അണിയിച്ച് സ്വീകരിച്ചു.
ലോക്കൽ കമ്മിറ്റി സെക്രട്ടറി പ്രശാന്ത് കെഎം, പൂഞ്ഞാർ മണ്ഡലം കമ്മിറ്റി അംഗവും വാർഡ് മെമ്പറുമായ രതീഷ് പി എസ്, ലോക്കൽ കമ്മിറ്റി അംഗങ്ങളായ വിനോദ് ജോസഫ്, ബാബു, ടിബിൻ കെജെ, സഖാവ് സജിമോൻ ടിസി താന്നിപ്പൊതിയിൽ എന്നിവർ പങ്കെടുത്തു.
