അന്താരാഷ്ട്ര യോഗാ ദിനത്തോട് അനുബന്ധിച്ച് യോഗയുടെ പ്രയോജനങ്ങളെക്കുറിച്ച് ജനങ്ങളിൽ അവബോധം പ്രചരിപ്പിക്കുന്നതിനായി നഗരസഭയുടെ ആഭിമുഖ്യത്തിൽ യോഗാ ദിനാചരണവും ആയുഷ് യോഗ ക്ലബ്ബ് രൂപീകരണവും പാലാ നഗരസഭയിൽ ജനകീയ ആസൂത്രണ പദ്ധതിയിൽ ഉൾപ്പെടുത്തി, വനിതകൾക്ക് യോഗ പരിശീലനം നൽകുന്നതിനുള്ള പദ്ധതിയുടെ ഉദ്ഘാടനവും നഗരസഭ കോൺഫറൻസ് ഹാളിൽ നടന്നു.
നഗരസഭ ചെയർപേഴ്സൺ ജോസിൻ ബിനോ ഉദ്ഘാടനം നിർവഹിച്ചു.
പ്രസ്തുത യോഗത്തിൽ ആരോഗ്യകാര്യ സ്റ്റാൻഡിങ് കമ്മിറ്റി ചെയർമാൻ ഷാജു വി തുരുത്തൻ അധ്യക്ഷത വഹിച്ചു. നഗരസഭ വൈസ് ചെയർപേഴ്സൺ സിജി പ്രസാദ്, വികസനകാര്യ സ്റ്റാൻഡിങ് കമ്മിറ്റി ചെയർമാൻ സാവിയോ കാവുകാട്ട്, ഗവൺമെന്റ് ഹോമിയോ ആശുപത്രി സിഎംഒ ഡോക്ടർ ഹേമ, കെ കെ ഗിരീഷ് കുമാർ എന്നിവർ ആശംസകൾ അറിയിച്ചു.
മുൻ ചെയർപേഴ്സൺ അഡ്വക്കേറ്റ് ബെറ്റി ഷാജു യോഗാ പഠന അനുഭവം പങ്കുവെച്ചു. ഡോക്ടർ ടീന മാത്യു (ബി എൻ വൈ എസ് ) യോഗ സംബന്ധിച്ച് ക്ലാസ്സ് എടുത്തു. കൗൺസിലർമാരായ സതി ശശികുമാർ, ബൈജു കൊല്ലംപറമ്പിൽ, ജോസ് ജെ ചീരാംകുഴി, സന്ധ്യ ആർ, അഡ്വക്കേറ്റ് ബിനു പുളിക്കക്കണ്ടം, ലീന സണ്ണി പുരയിടം തുടങ്ങിയവർ പങ്കെടുത്തു.
