കാവുംകണ്ടം: കാവുംകണ്ടം സെന്റ് മരിയാ ഗൊരേത്തി ഇടവകയിൽ ജൂലൈ 3ാം തീയതി സെന്റ്തോമസ് ദിനത്തിൽ വിവിധ ഭക്തസംഘടനകളുടെ ആഭിമുഖ്യത്തിൽ സീറോ മലബാർ സഭാദിനമായി ആചരിച്ചു.
വികാരി ഫാ.സ്കറിയാ വേകത്താനം സഭാദിന മുഖ്യപ്രഭാഷണം നടത്തി. മാർത്തോമാ ക്രിസ്ത്യാനികൾ എന്ന നിലയിൽ സഭയ്ക്കും സമുദായത്തിനുണ്ടായ വളർച്ചയും നേട്ടങ്ങളെയുംക്കുറിച്ച് അച്ഛൻ അനുസ്മരിപ്പിച്ചു.
2000- വർഷത്തെ ക്രൈസ്തവ പാരമ്പര്യവും തനിമയം നിലനിർത്തിക്കൊണ്ട് മുന്നേറുന്ന സീറോ മലബാർ സഭ ആഗോള സഭയ്ക്ക് എന്നും മാതൃകയാണെന്നും ഫാ.സ്കറിയ വേകത്താനം സൂചിപ്പിച്ചു. മാർത്തോമാ ശ്ലീഹായിലൂടെ വളർന്നു പന്തലിച്ച സീറോ മലബാർ സഭയ്ക്കുണ്ടായ എല്ലാ അനുഗ്രഹങ്ങളെയും ഓർത്ത് കൃതജ്ഞതാബലിയർപ്പിച്ചു.
തുടർന്ന് വികാരിയച്ചൻ പതാക ഉയർത്തി. ബിജു കോഴിക്കോട്ട്, ജസ്റ്റിൻ മനപ്പുറത്ത്, സിജു കോഴിക്കോട്ട്, ഡേവീസ് കല്ലറക്കൽ തുടങ്ങിയവർ പ്രസംഗിച്ചു. രാജു കോഴിക്കോട്ട്, രാജു അറക്കക്കണ്ടത്തിൽ, സാബു വാദ്ധ്യാനത്തിൽ, ടോം കോഴിക്കോട്ട് തുടങ്ങിയവർ പരിപാടികൾക്ക് നേതൃത്വം നൽകി.
