കോട്ടയം: ചങ്ങനാശ്ശേരിയിൽ ഇന്ന് മുനിസിപ്പൽ ചെയർപേഴ്സണെതിരെ നടന്ന അവിശ്വാസപ്രമേയ ചർച്ചയിൽ കുതിര കച്ചവടമാണ് നടന്നതെന്ന് യുഡിഎഫ് കോട്ടയം ജില്ല ചെയർമാൻ സജി മഞ്ഞക്കടമ്പിൽ ആരോപിച്ചു.
ജനാധിപത്യപരമായി കോൺഗ്രസിന്റെ പാർട്ടി ചിഹ്നത്തിൽ തിരഞ്ഞെടുപ്പിൽ മത്സരിച്ച് വിജയിച്ചവരെ പണം കൊടുത്ത് സ്വാധീനിച്ച് എൽഡിഎഫിൽ ചേർത്ത വിലകുറഞ്ഞ നീക്കം ചങ്ങനാശ്ശേരിയിലെ ജനങ്ങൾ പുച്ഛിച്ചുതള്ളുമെന്ന് അദ്ദേഹം പറഞ്ഞു.
പി.ജെ.ജോസഫ് നേതൃത്വം നൽകുന്ന കേരളാ കോൺഗ്രസിലെ സിഎഫ് തോമസിന്റെ അനുയായികളായ ചങ്ങനാശേരി മുൻസിപ്പാലിറ്റിയിലെ കേരള കോൺഗ്രസ് കൗൺസിലർമാരെ വിലയ്ക്ക് വാങ്ങാൻ ജോസ് കെ.മാണി വിഭാഗം നടത്തിയ നീക്കം പാഴ് വേലയായി മാറിയെന്നും സജി പറഞ്ഞു.
യുഡിഎഫിനെ വഞ്ചിച്ച കൗൺസിലർമാർക്കെതിരെ നിയമ നടപടി സ്വീകരിക്കുമെന്നും സജി പറഞ്ഞു.
