ഉമ്മൻചാണ്ടിയുടെ ഒമ്പതാം ചരമ ദിനത്തോടനുബന്ധിച്ചുള്ള ചടങ്ങുകൾ നടന്നു

കോട്ടയം: രാവിലെ 7 മണിക്ക് പുതുപ്പള്ളി പള്ളിയിൽ ചടങ്ങുകൾക്ക് തുടക്കം കുറിച്ചു. വിശുദ്ധ കുർബാനയ്ക്കുശേഷം ഖബറിടത്തിങ്കൽ  ധൂപാർച്ചനയും പ്രാർത്ഥനയും നടത്തി. യുഡിഎഫ് നേതാക്കളും സമൂഹത്തിന്റെ നാനാ തുറയിലുള്ള ആളുകളും കബറിടത്തെങ്കിലും എത്തി തിരികത്തിച്ച് പ്രാർത്ഥന നടത്തി.

ഉമ്മൻ‌ചാണ്ടിയെ സ്നേഹിക്കുന്ന നിരവധി ആളുകൾ പ്രാർത്ഥനയിൽ പങ്കെടുത്തു. ഉമ്മൻ‌ചാണ്ടിയുടെ പത്നി മറിയമ്മയും പുത്രൻ ചാണ്ടി ഉമ്മനും ഉൾപ്പെടെയുള്ള കുടുംബാംഗങ്ങളും യുഡിഎഫ് നേതാക്കളും ചടങ്ങിൽ പങ്കെടുത്തു.

തിരുവഞ്ചൂർ രാധാകൃഷ്ണൻ എംഎൽഎ, പി.സി. വിഷണുനാഥ്, എംഎൽഎ ഉമാ തോമസ്, പിസി തോമസ് എക്സ് എംപി, യുഡിഎഫ് ജില്ലാ ചെയർമാൻ സജി മണക്കടമ്പിൽ, കൺവീനർ ഫിൽസൺ മാത്യൂസ്, ഡിസിസി പ്രസിഡന്റ് നാട്ടകം സുരേഷ്, ജോഷി ഫിലിപ്പ്, തോമസ് കല്ലാടൻ, സിബി ജോൺ, യൂജിൻ തോമസ് തുടങ്ങിയ നിരവധി നേതാക്കളും ചടങ്ങുകളിൽ പങ്കെടുത്തു.