പാലാ: ജൽ ജീവൻ മിഷന്റെ ഭാഗമായി മീനച്ചിൽ ഗ്രാമപഞ്ചായത്തിൽ പാലാ സോഷ്യൽ വെൽഫെയർ സൊസൈറ്റി സംഘടിപ്പിച്ച നിർവ്വഹണ സഹായ പ്രവർത്തനങ്ങളുടെ കംപ്ലീഷൻ റിപ്പോർട്ട് സമർപ്പിച്ചു.
ഗ്രാമപഞ്ചായത്ത് പ്രസിഡന്റ് സാജോ പൂവത്താനിക്ക് പി.എസ്.ഡബ്ളിയു.എസ്.ജെ.ജെ.എം പ്രോജക്ട് മാനേജർ ഡാന്റീസ് കൂനാനിക്കലാണ് റിപ്പോർട്ട് സമർപ്പിച്ചത്. കേന്ദ്ര- സംസ്ഥാന ജല ശുചിത്വ മിഷനുകൾ നിർദ്ദേശിച്ച അൻപത്തിമൂന്നു പ്രവർത്തനങ്ങളാണ് ഒന്നരവർഷത്തിനുള്ളിൽ ഗ്രാമപഞ്ചായത്തിൽ പൂർത്തീകരിക്കപ്പെട്ടത്.
പഞ്ചായത്ത് കോൺഫ്രൻസ് ഹാളിൽ നടന്ന ചടങ്ങിൽ ഗ്രാമപഞ്ചായത്ത് ഭരണ സമിതിയംഗങ്ങൾ, ഉദ്യോഗസ്ഥർ, പി.എസ്.ഡബ്ലിയു.എസ് ഭാരവാഹികൾ തുടങ്ങിയവർ സംബന്ധിച്ചു.
