Hot Posts

6/recent/ticker-posts

കൃത്രിമ ​ഗർഭധാരണത്തിന്റെ വിജയ സാധ്യത കൂട്ടാനും നിര്‍മിത ബുദ്ധി


representative image

നിര്‍മിത ബുദ്ധിയുടെ സാധ്യതകളും അത് വരുത്തിവെച്ചാക്കാവുന്ന ദോഷങ്ങളും എല്ലാം ചർച്ചയായിട്ട് കാലങ്ങളായി. നിര്‍മിത ബുദ്ധിയുടെ അപാര സാധ്യതകളെ പല മേഖകളും ഉപയോ​ഗപ്പെടുത്തുന്നുമുണ്ട്.



ആരോ​ഗ്യരം​ഗത്തും നിർമ്മിത ബുദ്ധിയ്ക്ക് വലിയ സാധ്യതളുണ്ടെന്ന് കഴിഞ്ഞ ദിവസങ്ങളിൽ പുറത്തുവന്ന വാർത്തകൾ സൂചിപ്പിക്കുന്നു.


ഇപ്പോള്‍ കൃത്രിമ ഗര്‍ഭധാരണത്തിലൂടെ കുഞ്ഞുങ്ങളെ ജനിപ്പിക്കുന്ന ഐവിഎഫ്‌ ചികിത്സയുടെ വിജയനിരക്ക്‌ വർധിപ്പിക്കാനും നിര്‍മിത ബുദ്ധിക്ക്‌ കഴിയുമെന്ന്‌ ചൂണ്ടിക്കാട്ടുകയാണ്‌  ശാസ്‌ത്രലോകം. ഐവിഎഫ്‌ ചികിത്സയുടെ കൃത്യതയും കാര്യക്ഷമതയും വർധിപ്പിക്കാന്‍ നിര്‍മിത ബുദ്ധി സഹായിക്കുമെന്ന്‌ അടുത്തിടെ ലഖ്‌നൗവില്‍ നടന്ന ഇന്ത്യന്‍ ഫെര്‍ട്ടിലിറ്റി സൊസൈറ്റിയുടെ (ഐഎഫ്‌എസ്‌) സമ്മേളനം അഭിപ്രായപ്പെട്ടു. 


ഐവിഎഫിനായി തിരഞ്ഞെടുക്കുന്ന അണ്ഡത്തിന്റെയും ബീജകോശത്തിന്റെയും ഗുണനിലവാരം ഇതിന്റെ വിജയത്തെ നിര്‍ണയിക്കുന്ന പ്രധാന ഘടകമാണ്‌. ഇക്കാര്യത്തില്‍ നിര്‍ണായക സംഭാവനകള്‍ നിര്‍മിത ബുദ്ധിക്ക്‌ നല്‍കാന്‍ സാധിക്കുമെന്ന്‌ സമ്മേളനത്തില്‍ പങ്കെടുത്ത വിദഗ്‌ധര്‍ വിലയിരുത്തി. 


ഒവേറിയന്‍ ഫോളിക്കിളുകളുടെ വലുപ്പം, അണ്ഡത്തിന്റെ രൂപം എന്നിങ്ങനെ പല ഘടകങ്ങളും ഐവിഎഫില്‍ സ്‌ത്രീകളുടെ അണ്ഡത്തിന്റെ ഗുണനിലവാരം നിശ്ചയിക്കുന്നു. ബീജത്തിന്റെ ഘടന, സംയോജനം, ചലനക്ഷമത എന്നിവ പുരുഷ ബീജത്തിന്റെ നിലവാരത്തില്‍ പങ്ക്‌ വഹിക്കുന്നു. ഇവയുടെ തിരഞ്ഞെടുപ്പില്‍ മനുഷ്യര്‍ വരുത്തുന്ന തെറ്റുകള്‍ പരിഹരിച്ച്‌ കൂടുതല്‍ വസ്‌തുനിഷ്‌ഠ തിരഞ്ഞെടുപ്പുകള്‍ നടത്താന്‍ നിര്‍മിത ബുദ്ധി ഉപയോഗപ്പെടുത്താമെന്നും സമ്മേളനത്തിൽ വിദ​ഗ്ദർ അഭിപ്രായപ്പെട്ടു.

രാജ്യത്തെ നാനൂറിലധികം ഐവിഎഫ്‌ വിദഗ്‌ധരും ഗൈനക്കോളജിസ്‌റ്റുകളും സമ്മേളനത്തില്‍ പങ്കെടുത്തു.

Reactions

MORE STORIES

ഡോ. റെജി വർഗ്‌ഗീസ് മേക്കാടനെ രാമപുരം മാർ അഗസ്തീനോസ് കോളേജ് പ്രിൻസിപ്പലായി നിയമിച്ചു
തീക്കോയി ഗ്രാമപഞ്ചായത്ത് മാലിന്യമുക്ത പഞ്ചായത്ത്‌ പ്രഖ്യാപനവും ശുചിത്വ സന്ദേശ റാലിയും മാർച്ച്‌ 30 ന്
അപ്ലാസ്റ്റിക് അനീമിയ ബാധിച്ച വീട്ടമ്മ തുടർ ചികിത്സയ്ക്കായി സഹായം തേടുന്നു
179-ാമത് ഗാന സംഗമവും മങ്കൊമ്പ് ഗോപാലകൃഷ്ണൻ അനുസ്മരണവും പാലായിൽ നടന്നു
വേനൽമഴ ശക്തമാകും; ഉരുൾപൊട്ടലിന് സാധ്യത!
സമരം 52-ാം ദിവസം: ആശമാരെ വീണ്ടും ചർച്ചക്ക് വിളിച്ച് ആരോഗ്യമന്ത്രി; ചർച്ചയിൽ പ്രതീക്ഷയുണ്ടെന്ന്‌ സമരസമിതി
അരുവിത്തുറ കോളേജിൽ സ്വയംതൊഴിൽ പരിശീലന കളരി
പ്രവിത്താനം സെന്റ് മൈക്കിൾസിൽ അവധിക്കാല കായിക പരിശീലനം ആരംഭിച്ചു
എം ജി യൂണിവേഴ്സിറ്റി കലോത്സവത്തിൽ രാമപുരം മാർ ആഗസ്തിനോസ് കോളേജിന് ഒന്നും മൂന്നും സ്ഥാനം ഉൾപ്പെടെ 14 എ ഗ്രെയ്ഡോടെ മികച്ച നേട്ടം
ചേർപ്പുങ്കൽ ബി വി എം കോളേജിൽ അധ്യാപക ഒഴിവ്