Hot Posts

6/recent/ticker-posts

മഞ്ഞപ്ര മിനി സിവിൽ സ്റ്റേഷനിലെ കൂറ്റൻ മരം അപകട ഭീഷണി



മഞ്ഞപ്ര മിനി സിവിൽ സ്‌റ്റേഷന്റെ മുറ്റത്ത് നിൽക്കുന്ന കൂറ്റൻ വാകമരം അപകട ഭീക്ഷണിയാകുന്നു. വില്ലേജ് ഓഫീസ്, ഹോമിയോ ഡിസ്പെൻസറി, കൃഷി ഭവൻ, ആയൂർവേദ ഡിസ്പെൻസറി എന്നീ സ്ഥാപനങ്ങൾ സ്ഥിതി ചെയ്യുന്നത് ഈ വൃക്ഷത്തിന്റെ സമീപമാണ്.


വിവിധ ആവശ്യങ്ങൾക്ക് ദിവസേന നൂറ് കണക്കിന് ആളുകൾ വന്ന് പോകുന്ന ഇടം കൂടിയാണ് മിനി സിവിൽ സ്റ്റേഷൻ. കൂടാതെ പഞ്ചായത്ത് കാര്യാലയത്തിലേക്ക്  പോകുന്നവരും മരം നിൽക്കുന്ന വഴിയാണ് ഏറെ ആശ്രയിക്കുന്നത്.   


മരത്തിന്റെ കടഭാഗം ഉൾപ്പെടെ ഏകദേശം ദ്രവിച്ച നിലയിലാണ്. ഇതിന്റെ ശിഖരങ്ങൾക്ക് ബല കുറവ് ഉള്ളതും ആശങ്കയുണ്ടാക്കുന്നുണ്ട്. ശിഖരങ്ങൾ വളർന്ന് വിവിധ സ്ഥാപനങ്ങളുടെ മുകളിലേക്ക് പടർന്ന് നീങ്ങുന്നതും ഇതിന്റെ ഇലകൾക്ക് പുളിരസം ഉള്ളതിനാൽ ഷീറ്റുകൾക്കും മറ്റും കേട് പാട് വരുന്നതായും ചൂണ്ടിക്കാട്ടപ്പെടുന്നു.


മാസങ്ങൾക്ക് മുൻപ് മിനി സിവിൽ സ്റ്റേഷനിൽ പ്രവർത്തിക്കുന്ന വില്ലേജ് ഓഫീസിലേക്ക് സ്കൂട്ടറിൽ കൈ കുഞ്ഞുമായി വന്ന വീട്ടമ്മയുടെ മേൽ മരത്തിന്റെ ഉണക്ക കമ്പ് വീണു പതിച്ചങ്കിലും പറയത്തക്ക പരുക്കേറ്റില്ല. അനേകം ഓഫീസുകൾ പ്രവർത്തിക്കുന്ന ഇവിടേക്ക് വിവിധ ആവശ്യങ്ങൾക്ക് എത്തുന്നവരുടെ ഇരു ചക്ര വാഹനങ്ങൾ ഉൾപ്പെടെ പാർക്ക് ചെയ്യുന്നതും ഈ മര ചുവട്ടിലാണ്.

നിരവധി ജനങ്ങൾ അനുദിനം വന്ന് പോകുന്ന ഇവിടെ അപകടകരമായ രീതിയിൽ നിൽക്കുന്ന വൃക്ഷത്തിന്റെ കാര്യത്തിൽ അധികാരികളുടെ ശ്രദ്ധ പതിയണമെന്നും ജനങ്ങളുടെ സുരക്ഷ ഉറപ്പാക്കണമെന്ന ആവശ്യം ശക്തമാണ്.

Reactions

MORE STORIES

അപ്ലാസ്റ്റിക് അനീമിയ ബാധിച്ച വീട്ടമ്മ തുടർ ചികിത്സയ്ക്കായി സഹായം തേടുന്നു
179-ാമത് ഗാന സംഗമവും മങ്കൊമ്പ് ഗോപാലകൃഷ്ണൻ അനുസ്മരണവും പാലായിൽ നടന്നു
വേനൽമഴ ശക്തമാകും; ഉരുൾപൊട്ടലിന് സാധ്യത!
സമരം 52-ാം ദിവസം: ആശമാരെ വീണ്ടും ചർച്ചക്ക് വിളിച്ച് ആരോഗ്യമന്ത്രി; ചർച്ചയിൽ പ്രതീക്ഷയുണ്ടെന്ന്‌ സമരസമിതി
അരുവിത്തുറ കോളേജിൽ സ്വയംതൊഴിൽ പരിശീലന കളരി
വഖഫ് ബിൽ: രാജ്യസഭയിൽ വേറിട്ട ഏക ശബ്ദമായി ജോസ് കെ മാണി
വിവിധ ജില്ലകളിൽ കേന്ദ്ര കാലാവസ്ഥാ വകുപ്പ് മഞ്ഞ അലർട്ട് പ്രഖ്യാപിച്ചു
ഡോ. റെജി വർഗ്‌ഗീസ് മേക്കാടനെ രാമപുരം മാർ അഗസ്തീനോസ് കോളേജ് പ്രിൻസിപ്പലായി നിയമിച്ചു
പ്രവിത്താനം സെന്റ് മൈക്കിൾസിൽ അവധിക്കാല കായിക പരിശീലനം ആരംഭിച്ചു
എം ജി യൂണിവേഴ്സിറ്റി കലോത്സവത്തിൽ രാമപുരം മാർ ആഗസ്തിനോസ് കോളേജിന് ഒന്നും മൂന്നും സ്ഥാനം ഉൾപ്പെടെ 14 എ ഗ്രെയ്ഡോടെ മികച്ച നേട്ടം