മണ്ണാറപ്പാറ: ലയൺസ് ക്ലബ് ഓഫ് മാഞ്ഞൂരിന്റെയും SMYM മണ്ണാറപ്പാറ യൂണിറ്റിന്റെയും നേതൃത്വത്തിൽ കോട്ടയം എസ്എച്ച് മെഡിക്കൽ സെന്ററിന്റെ സഹകരണത്തോടെ മണ്ണാറപ്പാറ സെന്റ്.സേവിയെർസ് പാരീഷ് ഹാളിൽ മെഗാ മെഡിക്കൽ ക്യാമ്പും സൗജന്യ മരുന്ന് വിതരണവും നടത്തി. പ്രോഗ്രാമിന്റെ ഉത്ഘാടനം മണ്ണാറപ്പാറ സെന്റ്.സേവിയേഴ്സ് ചർച്ച്‌ വികാരി റവ:ഫാദർ ജോസ് വള്ളോംപുരയിടത്തിന്റെ അധ്യക്ഷതയിൽ കോട്ടയം എം.പി തോമസ് ചാഴിക്കാടൻ നിർവഹിച്ചു.
ലയൺസ് ഡിസ്ട്രിക്ട് 318B ചീഫ് പ്രൊജക്റ്റ്‌ കോർഡിനേറ്റർ സിബി മാത്യു പ്ലാത്തോട്ടം മുഖ്യ പ്രഭാക്ഷണം നടത്തി. ക്ലബ് പ്രസിഡന്റ് നിഖിൽ ഷാജു, SMYM -A യൂണിറ്റ് പ്രസിഡന്റ് ഐവിൻ ജെയിംസ് കൊല്ലമലയിൽ, SMYM -B യൂണിറ്റ് പ്രസിഡന്റ് അർഷിത അന്ന സജി എന്നിവർ പ്രസംഗിച്ചു.
അസി:വികാരി മൈക്കിൾ ചാത്തംകുന്നേൽ, ലയൺസ് ക്ലബ് സെക്രട്ടറി ആനന്ദകുട്ടൻ, പി ബി, ലയൺസ് ക്ലബ് മെമ്പർ ജേക്കബ് ജോയി, മണ്ണാറപ്പാറ SMYM യൂണിറ്റ് അംഗങ്ങളായ റോണി സെബാസ്റ്റ്യൻ ഇലവത്തിൽ, ഏലന ജോബി തെങ്ങുംപള്ളിൽ, അന്ന ആനി സേവ്യർ കാറുകുളത്തെൽ എന്നിവരും കോട്ടയം S H മെഡിക്കൽ സെന്റർ ടീം അംഗങ്ങളും ക്യാമ്പിന് നേതൃത്വം നൽകി.
