അരുവിത്തുറ: അഡ്വ.സെബാസ്റ്റ്യൻ കുളത്തുങ്കൽ നേതൃത്വം നൽകുന്ന ഫ്യൂച്ചർ സ്റ്റാർ എഡ്യുക്കേഷൻ പ്രൊജക്ട്, സെന്റ്.ജോർജ് കോളേജ് അരുവിത്തറ, സ്റ്റേറ്റ് എംപ്ലോയബിലിറ്റി സെന്റർ എന്നിവയുടെ സംയുക്ത ആഭിമുഖ്യത്തിൽ 'ദിശ തൊഴിൽ മേള' പൂഞ്ഞാർ എം.എൽ.എ. അഡ്വ.സെബാസ്റ്റ്യൻ കുളത്തുങ്കൽ ഉത്ഘാടനം ചെയ്തു.
കോളജ് മാനേജർ റവ.ഡോ.അഗസ്റ്റിൻ പാലക്കപറമ്പിൽ അധ്യക്ഷതവഹിച്ചു. കോളേജ് പ്രിൻസിപ്പൽ ഡോ.സിബി ജോസഫ്, വൈസ് പ്രിൻസിപ്പൽ ഡോ.ജിലു ആനി ജോൺ, ഫ്യൂച്ചർ സ്റ്റാർ ഡയറക്ടർ ഡോ.ആൻസി ജോസഫ്, ഡിസ്ടിക് എംപ്ലോയിമെന്റ് ഓഫീസർ സജയൻ ജി, എംപ്ലോയിമെന്റ് ഓഫീസർ ഗോപകുമാർ പി.റ്റി, പ്രോഗ്രാം കോ ഓർഡിനേറ്റർ ബിനോയ് സി ജോർജ്, പ്രൊജക് സെക്രട്ടറി എം.ജി സുജ, എക്സികുട്ടീവ് മെമ്പറന്മാരായ പി.എ ഇബ്രാഹിം കുട്ടി, എലിസബത്ത് തോമസ്, മാർട്ടിൻ ജെയിംസ് എന്നിവർ പ്രസംഗിച്ചു.
ആയിരത്തോളം ഉദ്യോഗാർത്ഥികൾ പങ്കെടുത്ത തൊഴിൽ മേളയിൽ സംസ്ഥാനത്തിന്റെ വിവിധ ഭാഗങ്ങളിൽ നിന്നും തൊഴിൽ ദാതാക്കളായി 40 കമ്പനികൾ പങ്കെടുത്തു.
