കൊച്ചി: സീറോ മലബാർ സഭയിൽ വിഭാഗീയത വളർത്താൻ നിരന്തരമായ അസത്യ പ്രചരണങ്ങൾ നടത്തുന്നവർ നീതിന്യായ പീഠത്തെ തന്നെ അപമാനിക്കുകയും ആഗോള കത്തോലിക്ക സഭയുടെ പരമാദ്ധ്യക്ഷൻ ഫ്രാൻസിസ് പാപ്പായെ വെല്ലുവിളിക്കുകയും അപ്രമാദിത്വത്തെ ചോദ്യം ചെയ്യുകയും ചെയ്ത മുൻ ന്യായാധിപൻ കുര്യൻ ജോസഫിനെ കത്തോലിക്ക സഭയിൽ നിന്ന് പുറത്താക്കണമെന്ന ആവശ്യം ഉന്നയിച്ച് അതിരുപത മാർ തോമ നസ്രാണി സംഘത്തിന്റെ നേതൃത്വത്തിൽ വിവിധ നസ്രാണി അൽമായ കൂട്ടായ്മകൾ സംയുക്തമായി അതിരൂപത മെത്രാസന മന്ദിരത്തിന് മുന്നിൽ സായാഹ്ന പ്രതിഷേധ ധർണ നടത്തി.
കൺവീനർ സേവ്യർ മാടവന ഉദ്ഘാടനം ചെയ്തു. പ്രസിഡൻറ് റെജി ഇളമത അധ്യക്ഷത വഹിച്ചു. ജോമോൻ ആരക്കുഴ, സീലിയ ആൻറണി, മത്തായി മുതിരേന്തി, കുര്യൻ അത്തിക്കളം, റോബിൾ മാത്യൂ, കെ.അലക്സ്, ഷൈബി പാപ്പച്ചൻ എന്നിവർ പ്രസംഗിച്ചു.
സംയുക്ത സംഘടനകളുടെ നേതൃത്വത്തിൽ കുര്യൻ ജോസഫിനെ കത്തോലിക്ക സഭയിൽ നിന്ന് പുറത്താക്കണമെന്ന നിവേദനം മാർപാപ്പക്ക് നൽകുന്നതിനായി അതിരൂപത അഡ്മിനിസ്ട്രേറ്റർ മാർ ബോസ്കോ പൂത്തുരിന് ബിഷപ് ഹൗസിൽ എത്തി കൈമാറി.
