"ബസീലിക്ക തുറക്കണം": അതിരുപത മരിയൻ കൂട്ടായ്മ സായഹ്ന കൂട്ട പ്രാർത്ഥന യജ്ഞം നടത്തി

കൊച്ചി: സീറോ മലബാർ സഭയിലെ മേജർ അതിരൂപതയിൽ ഒരുമയോടെ ഒന്നായി ഏകീകൃത ബലി അർപ്പണത്തിനും സഭ ആസ്ഥാന ദൈവാലയമായ എറണാകുളം സെൻറ്.മേരീസ് കത്തീഡ്രൽ പള്ളി തുറക്കുന്നതിനും വേണ്ടി നിയോഗം സമർപ്പിച്ച് പ്രാർത്ഥന കൂട്ടായ്മ യജ്ഞം നടത്തി. 

അതിരൂപത മരിയൻ പ്രാർത്ഥന ഗ്രൂപ്പിന്റെ നേതൃത്വത്തിലാണ് സെൻറ്.മേരീസ് ബസിലിക്കക്ക് മുന്നിൽ പ്രാർത്ഥന കൂട്ടായ്മ നടത്തിയത്. അതിരൂപതയിൽ ഏകീകൃത ബലി അർപ്പണവും കത്തീഡ്രൽ പള്ളി വിശ്വാസികൾക്ക് സഭയുടെ തിരുകർമ്മങ്ങളിൽ പങ്കെടുക്കുവാൻ തുറന്നു നൽകുന്നത് വരെ എല്ലാ വെള്ളിയാഴ്ചകളിലും വൈകീട്ട് 3 മുതൽ 4 വരെ ഇതിനായി പ്രാർത്ഥന യജ്ഞം തുടരുമെന്ന് അതിരൂപത മരിയൻ പ്രാർത്ഥന കൂട്ടായ്മ അറിയിച്ചു.

പ്രസിഡൻറ് മരിയ സേവ്യർ ഭാരവാഹികളായ സീലിയ ആൻറണി, സിബി സെബാസ്റ്റ്യൻ, ജോയി ജോസഫ്, കെ.ആർ സണ്ണി, രമി പൗലോസ്, കുര്യാക്കോസ് പഴയമടം, പോൾ ചെതലൻ, ഷൈബി പാപ്പച്ചൻ, ബിജു ആൻറണി, ആന്റണി പൊറത്തൂർ, പി.എം മഹേഷ് എന്നിവർ പ്രാർത്ഥന കൂട്ടായ്മക്ക് നേതൃത്വം നൽകി.