തീക്കോയി: പൂഞ്ഞാർ എം.എൽ.എ സെബാസ്റ്റ്യൻ കുളത്തുങ്കലിൻ്റെ ആസ്‌തിവികസന ഫണ്ടിൽനിന്നും 3 ലക്ഷം രൂപ അനുവദിച്ച് ചൂണ്ടി - മേസ്തിരിപ്പടി പാലത്തിന് കൈവരിയും കോൺക്രീറ്റിംഗും നടത്തി ജോലികൾ പൂർത്തിയായി.
പാലത്തിൻ്റെ ഉദ്ഘാടനം 2023 ഡിസംബർ 31-ാം തീയതി ഞായറാഴ്‌ച വൈകുന്നേരം 5 ന് മേസ്തിരിപ്പടി പാലം ജംഗ്ഷനിൽ വച്ച് തീക്കോയി ഗ്രാമപഞ്ചായത്ത് പ്രസിഡന്റ് കെ.സി.ജെയിംസിൻ്റെ അദ്ധ്യക്ഷതയിൽ കൂടുന്ന യോഗത്തിൽ, സെബാസ്റ്റ്യൻ കുളത്തുങ്കൽ എം.എൽ.എ നിർവ്വഹിക്കും.
തീക്കോയി ഗ്രാമപഞ്ചായത്ത് മെമ്പർ സിബി രഘുനാഥ്, തലനാട് ഗ്രാമപഞ്ചായത്ത് പ്രസിഡന്റ് രജനി സുധാകരൻ, സി.പി.ഐ (എം) തീക്കോയി ലോക്കൽ സെക്രട്ടറി ഐസക്, കേരള കോൺഗ്രസ് തീക്കോയി മണ്ഡലം പ്രസിഡന്റ് സെബാസ്റ്റ്യൻ പുല്ലാട്ട്, തലനാട് ഗ്രാമപഞ്ചായത്ത് എൽ.ഡി.എഫ് കൺവീനർ പി.എസ്.ബാബു, സി.പി.ഐ (എം) തലനാട് ലോക്കൽ സെക്രട്ടറി രാജേന്ദ്രപ്രസാദ്, കേരള കോൺഗ്രസ്, തലനാട് മണ്ഡലം പ്രസിഡന്റ് സലിം യാക്കിരിയിൽ, തലനാട് ഗ്രാമപഞ്ചായത്ത് മെമ്പർ ഷെമീല ഹനീഫ എന്നിവർ ചടങ്ങിൽ പങ്കെടുക്കും.
