ഞീഴൂർ: കടുത്തുരുത്തി - ഞീഴൂർ റൂട്ടിൽ തുരുത്തിപള്ളി ജംങ്ഷനിൽ സ്ഥാപിച്ചിരിക്കുന്ന ട്രാൻസ്ഫോർമറിൽ ഫ്യൂസ് കാരിയറും സംരക്ഷണ വേലിയും സ്ഥാപിക്കണമെന്ന് ജനാധിപത്യ കേരളാ കോൺഗ്രസ് ഞീഴൂർ മണ്ടലം കമ്മറ്റി അധികാരികളോട് ആവശ്യപ്പെട്ടു. കുഞ്ഞ് കുട്ടികൾക്ക് പോലും കൈ എത്താവുന്ന ദൂരത്തിലാണ് ട്രാൻസ്ഫോർമറിൽ ഫ്യൂസുകൾ സ്ഥാപിച്ചിരിക്കുന്നതെന്ന് യോഗം ചൂണ്ടികാട്ടി.
യോഗം ജനാധിപത്യ കേരളാ കോൺഗ്രസ് നിയോജക മണ്ടലം പ്രസിഡന്റും എൽ.ഡി.എഫ് കൺവീനറുമായ സന്തോഷ് കുഴിവേലി ഉത്ഘാടനം ചെയ്തു. മണ്ടലം പ്രസിഡന്റ് അനിൽ വെങ്ങണിക്കൽ അദ്ധ്യക്ഷത വഹിച്ചു. അഗസ്റ്റ്യൻ ചിറയിൽ, പാപ്പച്ചൻ വാഴയിൽ, സൈജു പാറശേരിമാക്കിൽ തുടങ്ങിയവർ പ്രസംഗിച്ചു.
