പാലാ: സംസ്ഥാന ബജറ്റില്‍ പാലാ സിന്തറ്റിക് ട്രാക്ക് നവീകരണത്തിന് തുക അനുവദിച്ചു. 7 കോടി രൂപയാണ് ധനമന്ത്രി ബജറ്റില്‍ പ്രഖ്യാപിച്ചത്. സിന്തറ്റിക് ഇളകി പൊട്ടിപ്പൊളിഞ്ഞ ട്രാക്ക് നവീകരണത്തിന് ഇതോടെ നടപടിയാകും. ട്രാക്ക് നവീകരണത്തിന് വലിയ തുക വേണ്ടിവരുമെന്നതിനാല്‍ നഗരസഭയ്ക്ക് ഇത് നടപ്പാക്കാനാകുമായിരുന്നില്ല. തുടര്‍ന്ന് ഇത് സംബന്ധിച്ച് സംസ്ഥാന സര്‍ക്കാരിന്റെ സഹായം ലഭിക്കുകയായിരുന്നു.
കോട്ടയം ജില്ലയിലെ ഏക സിന്തറ്റിക് ട്രാക്കോടുകൂടിയ സ്റ്റേഡിയമാണ് പാലാ മുനിസിപ്പൽ സ്റ്റേഡിയം. കേരളത്തിലെ വിവിധ സ്ക്‌കൂൾ, കോളേജുകളിലെ കായികമേളകൾ ഈ സ്റ്റേഡിയത്തിൽ നടത്തുന്ന തോടൊപ്പം ദേശീയ അന്തർദേശീയ താരങ്ങൾ ഉൾപ്പടെ നിരവധി കായികപ്രതിഭകൾ ഇവിടെ പരിശീലനം നടത്തുന്നത്. ട്രാക്കിൻ്റെ ഭൂരിപക്ഷം ഭാഗവും നിലവിൽ പൊട്ടിപ്പൊളിഞ്ഞ് കിടക്കുന്ന തിനാൽ പരിശീലനം നടത്തുക നിലവിൽ വളരെ ബുദ്ധിമുട്ടായിരുന്നു.
സിന്തറ്റിക് ട്രാക്ക് സ്റ്റേഡിയത്തിന് 7 കോടി അനുവദിച്ചത് മേഖലയിലെ കായിക താരങ്ങള്‍ക്ക് ഗുണകരമാകും. നവകേരള സദസ് പാലായിലെത്തിയപ്പോള്‍ തോമസ് ചാഴിക്കാടന്‍ എംപി ഈ ആവശ്യം വേദിയില്‍ ഉന്നയിച്ചിരുന്നു.
