കുട്ടിക്കാനം: കർഷകരുടെ പ്രാദേശിക കൂട്ടായ്മകളുടെ ശ്രുംഖലാ സംവിധാനം രൂപപ്പെടുത്താൻ കർഷക ഉൽപാദക സംഘടനകളിലൂടെ സാധിക്കണമെന്ന് പീരുമേട് ഡവലപ്മെന്റ് സൊസൈറ്റിയുടെ അസിസ്റ്റൻറ് ഡയറക്ടർ ഫാ. ബ്രിജേഷ് ടോം അഭിപ്രായപ്പെട്ടു.
പാലാ സോഷ്യൽ വെൽഫെയർ സൊസൈറ്റിയുടെ ആഭിമുഖ്യത്താൽ കോട്ടയം ജില്ലയിൽ രൂപീകൃതമായ കർഷക ഉൽപാദക കമ്പനികളുടെ ഡയറക്ടർ ബോർ സംഗങ്ങൾക്കും ചീഫ് എക്സിക്യൂട്ടീവ് ഓഫീസർമാർക്കുമായി നബാർഡിന്റെ സഹായത്തോടെ സംഘടിപ്പിച്ച ഏകദിന പരിശീലന പരിപാടി ഉദ്ഘാടനം ചെയ്തു പ്രസംഗിക്കുകയായിരുന്നു.
നഗരവൽക്കരണമല്ല യഥാർത്ഥ വികസനമെന്നും ജനസംഖ്യയിൽ മഹാഭൂരിപക്ഷം വരുന്ന കർഷകരുടെ ജീവിതനിലവാരം ഉയർത്തുന്നതിനാണ് മുഖ്യ പരിഗണന നൽകേണ്ടതെന്ന് ക്ലാസ്സ് നയിച്ച കുട്ടിക്കാനം മരിയൻ കോളജ് സോഷ്യൽ വർക്ക് വിഭാഗം മേധാവി അജേഷ് ജോസഫ് അഭിപ്രായപ്പെട്ടു.
നബാർഡ് ജില്ലാ മാനേജർ റജി വർഗ്ഗീസ്, പീരുമേട് ഡവലപ്മെന്റ് സൊസൈറ്റി പ്രോഗ്രാം ഡയറക്ടർ ഡോ. സിബി ജോസഫ്, പാലാ സോഷ്യൽ വെൽഫെയർ സൊസൈറ്റിയുടെ എഫ്.പി.ഒ ഡിവിഷൻ മാനേജർ ഡാന്റീസ് കൂനാനിക്കൽ, പ്രോജക്ട് ഓഫീസർ പി.വി.ജോർജ് പുരയിടം, ഹൈറേഞ്ച് എഫ്.പി.ഒ ചീഫ് എക്സിക്യൂട്ടീവ് ഓഫീസർ ജോബിൻ ജോസഫ് എന്നിവർ പ്രസംഗിച്ചു.
തോമസ് മണ്ഡപത്തിൽ, അഡ്വ. എ.സി.ജോസഫ് തോട്ടകം, ജയിംസ് ഫാത്തിമാപുരം, ജിജിമോൻ വെള്ളികുളം, ടോം ജേക്കബ് ആലയ്ക്കൽ, ജോസ് തോമസ്, ജയ്മോൻ പുത്തൻ പുരയ്ക്കൽ തുടങ്ങിയവർ നേതൃത്വം കൊടുത്തു.
