ഇലഞ്ഞി: NASA എല്ലാവർഷവും ലോക വ്യാപകമായി നടത്തുന്ന സ്പേസ് ആപ് ചലഞ്ച് ഹാക്കത്തോൺ ഈ വർഷം ഇലഞ്ഞി വിസാറ്റ് എബിനീയറിംഗ് കോളേജിൽവച്ച് ഒക്ടോബർ 5,6 തിയതികളിൽ നടത്തും. വിസാറ്റ് എഞ്ചിനീയറിംഗ് കോളേജിലെ കമ്പ്യൂട്ടർ സയൻസ് അവസാന വർഷ വിദ്യാർത്ഥിയായ അമൽ സുരേഷിനെ നാസയുടെ ഇന്റർനാഷണൽ സ്പേസ് ആപ് ചലഞ്ച് 2024 ന്റെ ലോക്കൽ ലീഡായി തിരഞ്ഞെടുത്തതിനെ തുടർന്നാണ് ഈ അവസരം കോളേജിന് ലഭിച്ചത്.
നാസ നൽകുന്ന വെല്ലുവിളികൾക്ക് ലോക വ്യാപകമായി വിവിധ ടീമുകളിൽ നിന്ന് ഏറ്റവും ഫല പ്രദമായ പരിഹാരങ്ങൾ കണ്ടെത്തുക എന്നതാണ് ഇതുകൊണ്ട് ലക്ഷ്യമാക്കുന്നത്. രണ്ടു മുതൽ ആറുവരെ അംഗങ്ങളുള്ള ടീമുകൾക്ക് പ്രായദേദമെന്യ ഹാക്കത്തോണിൽ പങ്കെടുക്കാം.
സ്കൂൾ, കോളേജ് വിദ്യാർത്ഥികളേയും താൽപ്പര്യമുള്ള മറ്റ് ടീമുകളേയും പ്രായഭേദമന്യേ പങ്കാളികളാക്കിക്കൊണ്ട് ഹാക്കത്തോൺ സംഘടിപ്പിക്കുകയാണ് വിസാറ്റിന്റെ ലക്ഷ്യം. ഇതിനായുള്ള ബൂട്ട് ക്യാബുകൾ വിവിധ വിദ്യാഭ്യാസ സ്ഥാപനങ്ങളിൽ തുടർച്ചയായി സംഘടിപ്പിക്കും.
ഹാക്കത്തോണിൽ വിജയികളാകുന്ന ടീമുകൾക്ക് നാസ സന്ദർശിക്കാനുള്ള അവസരവും നിരവധി വിലപിടിച്ച സമ്മാനങ്ങളും ലഭിക്കും. പങ്കെടുക്കുന്ന എല്ലാ സംഗങ്ങൾക്കും നാസയുടെ സർട്ടിഫിക്കറ്റുകൾ നൽകും. ഉന്നത പഠനത്തിനും ഉയർന്ന ജോലികൾക്കുമുള്ള അവസരങ്ങളും ഇതികൂടാതെ ലഭ്യമാകും. ഹാക്കത്തോൺ മത്സരങ്ങളിലേയ്ക്കുള്ള രജിസ്ട്രേഷൻ തികച്ചും സൗജന്യമായിരിക്കും. നാസ ലോക്കൽ ലീഡ് - അമൽ സുരേഷ്: 9207233587
