സമൂഹമാധ്യമങ്ങൾ വഴി യുവനടിയെ അധിക്ഷേപിച്ചെന്ന കേസിൽ സോഷ്യൽ മീഡിയ ഇൻഫ്ലുവൻസറും മാധ്യമ പ്രവർത്തകനുമായ സൂരജ് പാലാക്കാരൻ കൊച്ചിയിൽ പോലീസ് കസ്റ്റഡിയിൽ.
സൂരജ് പാലാക്കാരൻ തൻ്റെ യൂട്യൂബ് ചാനലിലൂടെ യുവനടിയെ അധിക്ഷേപിച്ചെന്ന പരാതിയിലാണ് നടപടി. പാലാരിവട്ടം പൊലീസാണ് സൂരജിനെ കസ്റ്റഡിയിലെടുത്തത്.
രണ്ട് വർഷം മുമ്പ് സമാനമായ കേസിൽ സൂരജ് പാലാക്കാരനെ അറസ്റ്റ് ചെയ്തിരുന്നു. സ്ത്രീത്വത്തെ അപമാനിച്ചതിനും ജാതീയമായി അധിക്ഷേപിച്ചതിനുമാണ് ഇയാൾക്കെതിരെ അന്ന് കേസെടുത്തിരുന്നത്.
വീട്ടിലെത്തി പൊലീസ് തിരച്ചിൽ നടത്തിയതിനു പിന്നാലെ സ്റ്റേഷനിലെത്തി കീഴടങ്ങിയ ഇയാൾ പിന്നീട് ജാമ്യത്തിലിറങ്ങുകയായിരുന്നു.
മോഹൻലാൽ വയനാട് ദുരന്തഭൂമി സന്ദർശിക്കവേ, അദ്ദേഹത്തെ തന്റെ യൂട്യൂബ് അക്കൗണ്ട് വഴി അവഹേളിച്ച 'ചെകുത്താൻ' എന്ന യൂട്യൂബറെയും ഇന്ന് പൊലീസ് അറസ്റ്റ് ചെയ്തിരുന്നു.
