പ്രസിദ്ധ തീർത്ഥാടന കേന്ദ്രമായ പാലാ ളാലം പഴയപള്ളിയിൽ മരിയൻ കൺവൻഷൻ ആരംഭിച്ചു

പാലാ: പ്രസിദ്ധ മരിയൻ തീർത്ഥാടന കേന്ദ്രമായ പാലാ ളാലം പഴയപള്ളിയിൽ എട്ടുനോമ്പാചരണത്തിൻ്റെ ഭാഗമായി ഓഗസ്റ്റ് 25 ഞായർ വൈകുന്നേരം 5 ന് മരിയൻ കൺവൻഷൻ ആരംഭിച്ചു. ആഗസ്റ്റ് 29 വരെ 5 ദിനങ്ങളിൽ മരിയൻ കൺവൻഷൻ ഉണ്ടായിരിക്കും. വൈകുന്നേരം 5 മുതൽ രാത്രി 9 വരെയാണ് കൺവൻഷൻ നടക്കുന്നത്. റവ. ഫാ. ജിസൺ പോൾ വേങ്ങാശ്ശേരി മരിയൻ കൺവൻഷൻ നയിക്കുന്നു. എട്ടുനോമ്പാചരണത്തിൻ്റെ ഭാഗമായി മരിയൻ കൺവൻഷനും പരി. കന്യകാമറിയത്തിന്റെ ജനനത്തിരുനാളും, 413-ാമത് കല്ലിട്ട തിരുനാളും സംയുക്തമായാണ് ആചരിക്കുന്നത്. 

ആഗസ്റ്റ് 30-നു വെള്ളി ഉച്ചക്കഴിഞ്ഞ് 4.15 നു തിരുനാൾ കൊടിയേറ്റ്, പ്രസു ദേന്തി വാഴ്‌ച, ലദ്ദീഞ്ഞ്, തുടർന്ന് ആഘോഷമായ വി. കുർബാന, സന്ദേശം, നൊവേന തുടർന്ന് പരേതരായ ഇടവകാംഗങ്ങളുടെ ഓർമ്മ ആചരിച്ച് സിമി ത്തേരി സന്ദർശനവും ഉായിരിക്കും. മുഖ്യ കാർമ്മികത്വം വഹിക്കുന്നത്- വികാരി റവ. ഫാ. ജോസഫ് തടത്തിൽ.

ആഗസ്റ്റ് 30 വെള്ളി മുതൽ സെപ്റ്റംബർ 7 ശനി വരെ തിരുനാളിന് എല്ലാ ദിവസവും വെളുപ്പിനെ 4.30 മുതൽ 5.30 വരെ ദിവ്യകാരുണ്യ ആരാധ നയും ജപമാലയും രാവിലെ 5.30, 7.00, 9.30, ഉച്ചകഴിഞ്ഞ് 4.30-നും വൈകിട്ട് 7.00 നും ആഘോഷമായ വി. കുർബാനയും, നൊവേനയും വൈകുന്നേരം 6-നു ആഘോഷമായ ജപമാല പ്രദഷിണം ഉണ്ടായിരിക്കും.

സെപ്റ്റംബർ 3 ചൊവ്വ ഉച്ചക്കഴിഞ്ഞ് 4.30 ന് ആഘോഷമായ വി. കുർബാന, സന്ദേശം, നൊവേന. മുഖ്യ കാർമ്മികത്വം വഹിക്കുന്നത്- ഗ്രേറ്റ് ബ്രിട്ടൺ രൂപതയുടെ ബിഷപ്പ് മാർ ജോസഫ് സ്രാമ്പിക്കൽ.

പ്രധാന തിരുനാൾ ദിനമായ സെപ്റ്റംബർ 8 ഞായർ ഇടവകദിനമായി ആഘോഷിക്കുന്നു. വെളുപ്പിനെ 4.30 നു ദിവ്യകാരുണ്യ ആരാധനയും ജപമാലയും രാവിലെ 5.30, 7.00, 9.30, ഉച്ചയ്ക്ക് 12.00-നും ആഘോഷമായ വി. കുർബാനയും, സന്ദേശവും നൊവേനയും ഉായിരിക്കും. ഉച്ചകഴിഞ്ഞ് 4-നു ആഘോഷമായ തിരുനാൾ റാസയും, നൊവേനയും നടത്തപ്പെടുന്നു. റവ. ഫാ. സ്‌കറിയ മലമാ ക്കൽ, റവ. ഫാ. തോമസ് കൊച്ചോടയ്ക്കൽ, റവ. ഫാ. സെബാസ്റ്റ്യൻ ചെരിപു രത്ത്, തുടങ്ങിയവർ കാർമ്മികത്വം വഹിക്കുന്നു. റവ. ഫാ തോമസ് പുതുപ്പറമ്പിൽ തിരുനാൾ സന്ദേശം നല്‌കും. തുടർന്ന് ടൗൺ ചുറ്റിയുള്ള ആഘോഷമായ തിരു നാൾ പ്രദഷിണവും. കൊടിയിറക്കും ഉണ്ടായിരിക്കും.

ഇടവക വികാരി റവ. ഫാ. ജോസഫ് തടത്തിൽ, പാസ്റ്ററൽ അസിസ്റ്റന്റ്റ് റവ. ഫാ. ജോസ് ആലഞ്ചേരി, സഹവികാരിമാരായ ഫാ. സ്‌കറിയ മേനാംപറ മ്പിൽ, ഫാ. ആൻ്റണി നങ്ങാപറമ്പിൽ തുടങ്ങിയവർ തിരുനാൾ കർമ്മങ്ങൾക്കും, കൈക്കാരൻമാരായബേബി ചക്കാലയ്ക്കൽ, റ്റോം ഞാവള്ളിൽതെക്കേൽ, പ്രൊഫ. തങ്കച്ചൻ പെരുമ്പള്ളിൽ, മാണി കുന്നംകോട്ട്, തിരുനാൾ കൺവീനർമാരായ രാജേഷ് പാറയിൽ, ലിജോ ആനിത്തോട്ടം, തങ്കച്ചൻ കാപ്പിൽ തുടങ്ങിയവർ തിരുനാൾ ആഘോഷങ്ങൾക്കും നേതൃത്വം നൽകുന്നു.