പാലാ: മനോരോഗികളായ ആളുകളുടെ എണ്ണത്തിൽ ഉണ്ടായ വർദ്ധനവ് മൂലം മരിയ സദനം നേരിടുന്ന സാമ്പത്തികവും, സ്ഥലപരിമിതി മൂലമുള്ള പ്രശ്നങ്ങൾക്കും കൈത്താങ്ങാവാൻ പ്രസിഡൻ്റ് സാജോ പൂവത്താനിയുടെ അദ്ധ്യക്ഷതയിൽ പഞ്ചായത്ത് ഹാളിൽ യോഗം ചേർന്നു.
ജില്ലാ പഞ്ചായത്ത് അംഗമായ രാജേഷ് വാളിപ്ലാക്കൽ, ഇടമറ്റം പള്ളി വികാരി ഫാ.മാത്യു കിഴക്കേ അരഞ്ഞാണിയിൽ, മുൻ ജില്ലാ പഞ്ചായത്ത് അംഗം പെണ്ണമ്മ ജോസഫ്, വൈസ് പ്രസിഡന്റ് ലിൻസി മാർട്ടിൻ, പഞ്ചായത്ത് അംഗങ്ങളായ നളിനി ശ്രീധരൻ, ബിജു ടി.ബി ലിസമ്മ ഷാജൻ, ജോയ് കുഴിപ്പാലയിൽ, പുന്നൂസ് പോൾ, ഷെർലി ബേബി, ജയശ്രീ സന്തോഷ്, ബിജു കുമ്പളന്താനം, ബിന്ദു ശശികുമാർ, വിഷ്ണു പി വി ഇന്ദു പ്രകാശ് എന്നിവർ പങ്കെടുത്തു.
ഇവരോടൊപ്പം ജോസ് പാറേക്കാട്ട്, ബിനോയ് നരിതൂക്കിൽ, ജിനു വാട്ടപ്പള്ളി, ഷാജി വെള്ളപ്പാട്ട്, ബോബി ഇടപ്പാടി, കെ ജെ മാത്യു നരിതൂക്കിൽ, ഡയസ് കെ സെബാസ്റ്റ്യൻ, സിഡിഎസ് ചെയർപേഴ്സൺ ശ്രീലത കെ. ബിയും,മറ്റു നിരവധി സിഡിഎസ് അംഗങ്ങളും പങ്കെടുത്തു. മരിയസദനം നടത്തുന്ന പ്രവർത്തനങ്ങൾ സമാനതകൾ ഇല്ലാത്തതാണെന്ന് യോഗം ചർച്ച ചെയ്തു.
ഈയൊരു ധനസമാഹരണ യജ്ഞം വിജയിപ്പിക്കുന്നതിനായി വാർഡ് കൂട്ടായ്മകളും അനുബന്ധ യോഗങ്ങളും നടത്തുവാൻ തീരുമാനിച്ചു. ലോക മാനസികാരോഗ്യ ദിനമായ ഒക്ടോബർ 10 ന് നടക്കുന്ന ധനസമാഹരണ യജ്ഞം വിജയിപ്പിക്കാൻ ജനപ്രതിനിധികളുടെയും പൊതുജനത്തിൻ്റെയും പങ്കാളിത്തത്തോടെ ക്രിയാത്മകമായ രീതിയിൽ കഴിയുന്നത്ര പണം സമാഹരിക്കാൻ യോഗം തീരുമാനിച്ചു.
