ചരിത്രപ്രസിദ്ധമായ പൂഞ്ഞാർ സെന്റ് മേരിസ് ഫൊറോന പള്ളിയിൽ പരിശുദ്ധ കന്യാകാമറിയത്തിൻ്റെ പിറവി തിരുനാളിന് വികാരി ഫാ.തോമസ് പനയ്ക്കക്കുഴി കൊടിയേറ്റി. സഹ.വികാരി ഫാ. മൈക്കിൾ നടുവിലേകൂറ്റ്, ഫാ. തോമസ് വരകുകാലാപ്പറമ്പിൽ എന്നിവർ സന്നിഹിതരായിരുന്നു.
തിരുനാൾ ദിവസങ്ങളിൽ രാവിലെ 5:30,6:30,10:00 വൈകിട്ട് 4:30 എന്നീ സമയങ്ങളിൽ ആഘോഷമായ വിശുദ്ധ കുർബാനയും നൊവേനയും വൈകുന്നേരം ആറുമണിക്ക് ആഘോഷമായി ജപമാല മെഴുകുതിരി പ്രദക്ഷിണം നടക്കും. സെപ്റ്റംബർ 7 ശനിയാഴ്ച ഉച്ചകഴിഞ്ഞ് 3 മണിക്ക് പരിശുദ്ധ കന്യക മാതാവിന്റെ തിരുസ്വരൂപം പരസ്യ വണക്കത്തിന് പ്രതിഷ്ഠിക്കും.
വൈകിട്ട് 4:30ന് ആഘോഷമായ വിശുദ്ധ കുർബാന നൊവേന ഫാ. ദേവസ്യാച്ചൻ വട്ടപ്പലം, 6:30 ന് തിരുനാൾ പ്രദക്ഷിണം ടൗൺ കുരിശുപള്ളിയിലേക്ക്., 8:00മണിക്ക് തിരുനാൾ സന്ദേശം ഫാ.ഡോ. സെബാസ്റ്റ്യൻ കുറ്റിയാനിക്കൽ, 9 30ന് പ്രദക്ഷിണസമാപനം.
പ്രധാന തിരുനാൾ ദിനമായ സെപ്റ്റംബർ 8 ഞായറാഴ്ച രാവിലെ 5:30ന് വിശുദ്ധ കുർബാന, നൊവേന, 7:00 മണിക്ക് ആഘോഷമായ വിശുദ്ധ കുർബാന, നൊവേന ഫാ. മൈക്കിൾ നടുവിലേകൂറ്റ്. 9:30 ന് മേരി നാമധാരികളുടെ സംഗമം. 10:00 മണിക്ക് ആഘോഷമായ തിരുനാൾ റാസ ഫാ. ജേക്കബ് വെള്ളമരുതുങ്കൽ , ഫാ. ഇമ്മാനുവേൽ കാഞ്ഞിരത്തുങ്കൽ, ഫാ. ചെറിയാൻ മൂലയിൽ. 
തിരുനാൾ സന്ദേശം : ഫാ.മാത്യു പന്തലാനിക്കൽ. 12:00 മണിക്ക് തിരുനാൾ പ്രദക്ഷിണം , 1:00 മണിക്ക് സ്നേഹവിരുന്ന്. വൈകിട്ട് 5:00 മണിക്ക് ആഘോഷമായ വി. കുർബാന , നൊവേന , വൈകിട്ട് 6:00 മണിക്ക് തിരുസ്വരൂപ പുനപ്രതിഷ്ഠ , കൊടിയിറക്ക്. സെപ്റ്റംബർ 9 ന് രാവിലെ 5:30 ന് വി. കുർബാന , പരേതരായ ഇടവകക്കാർക്കുവേണ്ടി പ്രാർത്ഥനയും സെമിത്തേരി സന്ദർശനവും തുടർന്ന് 6:45 ന് വി.കുർബാന എന്നിവ നടക്കും.
