Hot Posts

6/recent/ticker-posts

മുനമ്പം ജനസമൂഹത്തോട് ഐക്യദാർഢ്യം പ്രകടിപ്പിച്ച് കാവുംകണ്ടം ഇടവക

കാവുംകണ്ടം: മുനമ്പം ജനത നടത്തുന്ന അതിജീവന പോരാട്ടത്തിന് കാവുംകണ്ടം സെന്റ് മരിയ ഗോരെത്തി ഇടവക കൂട്ടായ്മ ഐക്യദാർഢ്യം പ്രകടിപ്പിച്ച് പ്രമേയം പാസാക്കി. മുനമ്പം ജനതയുടെ സ്ഥലങ്ങളിൽ മേലുള്ള വക്കഫ് അവകാശവാദം പൂർണമായും അവസാനിപ്പിക്കുക, വഖഫ് നിയമത്തിലെ ഭേദഗതികൾ പുന:പരിശോധിക്കുക, 2024 ഒക്ടോബർ 14 ന് വഖഫ് ബില്ലിനെതിരെ കേരള നിയമസഭ പാസാക്കിയ പ്രമേയം പിൻവലിക്കുക തുടങ്ങിയ വിവിധ ആവശ്യങ്ങൾ ഉന്നയിച്ചുകൊണ്ട് കാവുംകണ്ടം ഇടവകയിലെ വിവിധ ഭക്തസംഘടനകളുടെ ആഭിമുഖ്യത്തിൽ ദീപം തെളിച്ചുകൊണ്ട് ഐക്യദാർഢ്യ സമ്മേളനം നടത്തി. 
ഭൂമിയുടെ അവകാശം യഥാർത്ഥ ഉടമകളിൽ നിന്ന് പിടിച്ചു വാങ്ങുന്ന നയമാണ് വഖഫ് ബോർഡിൻ്റേത്. . സ്വന്തം ഭൂമിയുടെ അവകാശത്തിനുമേൽ കൈ വയ്ക്കുവാൻ വഖഫിന് അധികാരമില്ല. വിലകൊടുത്ത് വാങ്ങിയ ഭൂമിയുടെ യഥാർത്ഥ ഉടമകളെ, വഖഫ് ബോർഡ്‌ ഭൂമി എന്ന പേരിൽ കൂടിയൊഴിപ്പിക്കുന്ന നടപടി ഭാരതത്തിന്റെ ഭരണഘടനയ്ക്കും ജനാധിപത്യത്തിനും മതേതരത്വത്തിനും വെല്ലുവിളി ഉയർത്തുന്നതാണെന്ന് യോഗം പാസാക്കിയ പ്രമേയത്തിലൂടെ പ്രസ്താവിച്ചു. 
മുനമ്പത്ത് വക്കഫ് ബോർഡ് ഉയർത്തുന്ന ഭൂമിയുടെ അവകാശവാദം ചെറുത്തു തോൽപ്പിക്കുവാൻ കക്ഷി രാഷ്ട്രീയ ഭേദമന്യേ എല്ലാവരും ഒറ്റക്കെട്ടായി മുന്നോട്ടുവരണമെന്ന് യോഗം ആവശ്യപ്പെട്ടു. സെനീഷ് മനപ്പുറത്ത് മീറ്റിങ്ങിൽ അധ്യക്ഷത വഹിച്ചു. ഫാ. സ്കറിയ വേകത്താനം മുഖ്യ പ്രഭാഷണം നടത്തി. ഡേവിസ്‌ കെ മാത്യു കല്ലറക്കൽ പ്രമേയം അവതരിപ്പിച്ചു. 
ജോഷി കുമ്മേനിയിൽ, അഭിലാഷ് കോഴിക്കോട്ട്, ബേബി തോട്ടാക്കുന്നേൽ, ലിസി ആമിക്കാട്ട്, കൊച്ചുറാണി ഈരൂരിക്കൽ തുടങ്ങിയവർ പ്രസംഗിച്ചു. സിജു കോഴിക്കോട്ട്, രാജു അറക്കകണ്ടത്തിൽ, ഷൈബി തങ്കച്ചൻ താളനാനി, ജോസ് കൊന്നക്കൽ, കുഞ്ഞുകുട്ടി മഠത്തിപ്പറമ്പിൽ തുടങ്ങിയവർ പരിപാടികൾക്ക് നേതൃത്വം നൽകി.


Reactions

MORE STORIES

ഡോ. റെജി വർഗ്‌ഗീസ് മേക്കാടനെ രാമപുരം മാർ അഗസ്തീനോസ് കോളേജ് പ്രിൻസിപ്പലായി നിയമിച്ചു
തീക്കോയി ഗ്രാമപഞ്ചായത്ത് മാലിന്യമുക്ത പഞ്ചായത്ത്‌ പ്രഖ്യാപനവും ശുചിത്വ സന്ദേശ റാലിയും മാർച്ച്‌ 30 ന്
അപ്ലാസ്റ്റിക് അനീമിയ ബാധിച്ച വീട്ടമ്മ തുടർ ചികിത്സയ്ക്കായി സഹായം തേടുന്നു
179-ാമത് ഗാന സംഗമവും മങ്കൊമ്പ് ഗോപാലകൃഷ്ണൻ അനുസ്മരണവും പാലായിൽ നടന്നു
വേനൽമഴ ശക്തമാകും; ഉരുൾപൊട്ടലിന് സാധ്യത!
സമരം 52-ാം ദിവസം: ആശമാരെ വീണ്ടും ചർച്ചക്ക് വിളിച്ച് ആരോഗ്യമന്ത്രി; ചർച്ചയിൽ പ്രതീക്ഷയുണ്ടെന്ന്‌ സമരസമിതി
അരുവിത്തുറ കോളേജിൽ സ്വയംതൊഴിൽ പരിശീലന കളരി
പ്രവിത്താനം സെന്റ് മൈക്കിൾസിൽ അവധിക്കാല കായിക പരിശീലനം ആരംഭിച്ചു
എം ജി യൂണിവേഴ്സിറ്റി കലോത്സവത്തിൽ രാമപുരം മാർ ആഗസ്തിനോസ് കോളേജിന് ഒന്നും മൂന്നും സ്ഥാനം ഉൾപ്പെടെ 14 എ ഗ്രെയ്ഡോടെ മികച്ച നേട്ടം
ചേർപ്പുങ്കൽ ബി വി എം കോളേജിൽ അധ്യാപക ഒഴിവ്