ദയ പാലിയേറ്റീവ് കെയർ സൊസൈറ്റിയും റോട്ടറി ക്ലബ്‌ ഓഫ് പാലായും സംയുക്തമായി ഭിന്നശേഷി ദിനാചരണം നടത്തി

കടനാട്‌: ദയ പാലിയേറ്റീവ് കെയർ സൊസൈറ്റിയും റോട്ടറി ക്ലബ്‌ ഓഫ് പാലായും സംയുക്തമായി ഭിന്നശേഷി ദിനാചരണം ഡിസംബർ 3 ചൊവ്വാഴ്ച 11 മണിക്ക് കുറുമണ്ണ് ദയ ഓഫീസ് കെട്ടിടത്തിൽ വെച്ച് നടത്തി. ദയ ചെയർമാൻ പി. എം.ജയകൃഷ്ണൻ അധ്യക്ഷത വഹിച്ച യോഗം ദയ മെന്റർ, Motivational Speaker, Author, Social Enabler കൂടിയായ നിഷ ജോസ് കെ മാണി ഉദ്‌ഘാടന കർമം നിർവഹിച്ചു.

പാലാ റോട്ടറി ക്ലബ്‌ പ്രസിഡന്റ്‌ Dr. സെലിൻ റോയി മുഖ്യ പ്രഭാഷണം നടത്തുകയും സെന്റ് ജോൺസ് ബാപ്റ്റിസ്റ്റ് ചർച്ച്, വികാരിയും ദയ രക്ഷാധികാരിയുമായ റവ. ഫാ  അഗസ്റ്റ്യൻ പീടികമലയിൽ അനുഗ്രഹ പ്രഭാഷണവും നടത്തി. 

അഭിനേതാവും പോർക്കളം സിനിമ സംവിധായകൻ ഛോട്ടാ വിപിൻ ദയയുടെ സ്നേഹാദരവ് ഏറ്റുവാങ്ങി. റോട്ടറി ക്ലബ്‌ ഓഫ് പാലാ സെക്രട്ടറി ഷാജി മാത്യു, പാലാ റോട്ടറി ക്ലബ്‌ പബ്ലിക് ഇമേജ് ഓഫീസർ സന്തോഷ്‌ മാട്ടേൽ, ദയ ജോയിന്റ് സെക്രട്ടറിയും, റിട്ടയേർഡ് RTO (Enforcement) യുമായ പി. ഡി. സുനിൽ ബാബു, കടനാട് PHC പാലിയേറ്റീവ്  വിഭാഗം നേഴ്സ് രാജി മോൾ എം.എസ്, കടനാട് ഗ്രാമ പഞ്ചായത്ത്‌ ആശ വർക്കർ ആൻസി കുര്യാക്കോസ്, ചോട്ടാ വിപിൻ എന്നിവർ ആശംസകൾ അർപ്പിച്ചു. 

ദയ എക്സിക്യൂട്ടീവ് മെമ്പർ സിന്ദു പി നാരായണൻ ഏവർക്കും കൃതജ്ഞത ആശംസിച്ചു. പ്രസ്തുത യോഗത്തിൽ 50 ലധികം ഭിന്നശേഷിക്കാർ പങ്കെടുത്തിരുന്നു. ഭക്ഷണകിറ്റ്, മെഡിക്കൽ ഉപകരണങ്ങൾ, മെഡിക്കൽ കിറ്റുകൾ, മുച്ചക്ര സൈക്കിൾ, ശ്രവണ സഹായി എന്നിവ വിതരണം ചെയ്തു.