ഉണ്ണി മുകുന്ദൻ്റെ മലയാളം ത്രില്ലർ മാർക്കോ ബോക്‌സ് ഓഫീസിൽ മികച്ച പ്രതികരണം നേടി. ആദ്യ ദിനം 4.21 കോടി രൂപ കളക്ഷൻ നേടിയ ചിത്രത്തിന് പോസിറ്റീവ് അഭിപ്രായമാണ് ലഭിക്കുന്നത്. പുഷ്പ 2 ആദ്യ ദിനം കേരളത്തിൽ നേടിയത് 4.9 കോടിയായിരുന്നു.
പുഷ്പ 2 കാരണം വേണ്ടത്ര സ്‌ക്രീനുകൾ ലഭിക്കാത്തതിനാൽ സിനിമ മറ്റ് പ്രദേശങ്ങളിൽ കൂടുതൽ ഷോകൾ നടത്തിനായില്ല. പരിമിതമായ റിലീസുകൾക്കിടയിലും ബോക്‌സ് ഓഫീസിൽ കൊടുങ്കാറ്റായി മാറിയിരിക്കുകയാണ് ഉണ്ണി മുകുന്ദൻ്റെ മാർക്കോ.
സാക്നിൽക് എന്ന ട്രേഡ് വെബ്‌സൈറ്റിൻ്റെ അഭിപ്രായത്തിൽ ഇന്ത്യയിൽ ആദ്യ ദിനം 4.21 കോടി രൂപ നേടി. ഇതിൻ്റെ വലിയൊരു ഭാഗം കേരളത്തിൽ നിന്നും ആണ്.
അവധി ദിവസങ്ങളായതിനാൽ ഇന്നു മുതൽ വൻ തോതിൽ തീയേറ്ററുകളിലേക്ക് പ്രേക്ഷകരെത്തും. യുവതീ യുവാക്കൾ ചിത്രം ആവേശത്തോടെ സ്വീകരിച്ചെന്നതിന് തെളിവാണ് ആദ്യ ദിന കളക്ഷനും സാമൂഹിക മാധ്യമങളിലെ പോസിറ്റീവ് അഭിപ്രായങ്ങളും.
