Hot Posts

6/recent/ticker-posts

ജനുവരി 22 ന് സെറ്റോ സംഘടനകൾ പണിമുടക്കും; എം ജി യൂണിവേഴ്സിറ്റിയിൽ നോട്ടീസ് നൽകി

കോട്ടയം: സംസ്ഥാന സർക്കാർ ജീവനക്കാരുടെയും അധ്യാപകരുടെയും ആനുകൂല്യങ്ങളും അവകാശങ്ങളും കവർന്നെടുക്കുന്നതിനെതിരെ സെറ്റോ സംഘടനകൾ ജനുവരി 22 ന് നടത്തുന്ന സംസ്ഥാന പണിമുടക്കിന്റെ ഭാഗമായി എം ജി യൂണിവേഴ്സിറ്റി എംപ്ലോയീസ് യൂണിയൻ ഡോ. സി.ടി അരവിന്ദ് കുമാറിന് പണിമുടക്ക് നോട്ടീസ് നൽകി.
19 ശതമാനം കുടിശിക ക്ഷാമബത്ത മുൻകാല പ്രാബല്യത്തോടെ അനുവദിക്കുക, പതിനൊന്നാം ശമ്പളപരിഷ്കരണ കുടിശിക അനുവദിക്കുക, പന്ത്രണ്ടാം ശമ്പളപരിഷ്കരണ കമ്മീഷൻ പ്രഖ്യാപിക്കുക, പങ്കാളിത്ത പെൻഷൻ പിൻവലിക്കുക, വിലക്കയറ്റം തടയുക  എന്നിങ്ങനെ വിവിധ ആവശ്യങ്ങൾ ഉന്നയിച്ചുകൊണ്ടാണ് സംസ്ഥാന ജീവനക്കാർ പണിമുടക്കുന്നത്.
സർവകലാശാലകളിൽ ശമ്പളവും പെൻഷനും മറ്റു ദൈനംദിന ചെലവുകളും പോലും നിർവഹിക്കാൻ പറ്റാത്തവിധം   സാമ്പത്തിക സ്ഥിതി രൂക്ഷമാണ്. സർക്കാർ പ്ലാൻ വിഹിതം നേർപകുതി വെട്ടിക്കുറച്ചു. നോൺ പ്ലാൻ ഗ്രാന്റ് വിഹിതം വലിയ അനിശ്ചിതാവസ്‌ഥയിലായി. എം ജി സർവ്വകലാശാലയുടെ സ്വാശ്രയ സ്ഥാപനങ്ങൾ സി-പാസ് സൊസൈറ്റിക്ക് തീറെഴുതി വരുമാനസ്രോതസ്സുകൾ സഹിതം ഇല്ലാതാക്കുന്ന സ്ഥിതി ആക്കിയെന്നും എംപ്ലോയീസ് യൂണിയൻ നേതാക്കൾ ആരോപിച്ചു.
 എംപ്ലോയീസ് യൂണിയൻ പ്രസിഡന്റ് മേബിൾ എൻ എസ്, ജനറൽ സെക്രട്ടറി ജോസ് മാത്യു, ഫെഡറേഷൻ ഓഫ് യൂണിവേഴ്സിറ്റി എംപ്ലോയീസ് ഓർഗനൈസേഷൻ സംസ്ഥാന പ്രസിഡന്റ് എൻ മഹേഷ്, സെറ്റോ ജില്ലാ കൺവീനർ ജോബിൻ ജോസഫ്, നേതാക്കളായ എൻ നവീൻ, എസ് പ്രമോദ്, ബിനോയ്‌ സെബാസ്റ്റ്യൻ,കെ വി അരവിന്ദ്, ജെ ഐസക്ക്, ബി അർച്ചന എന്നിവർ നേതൃത്വം നൽകി.


Reactions

MORE STORIES

ഡോ. റെജി വർഗ്‌ഗീസ് മേക്കാടനെ രാമപുരം മാർ അഗസ്തീനോസ് കോളേജ് പ്രിൻസിപ്പലായി നിയമിച്ചു
തീക്കോയി ഗ്രാമപഞ്ചായത്ത് മാലിന്യമുക്ത പഞ്ചായത്ത്‌ പ്രഖ്യാപനവും ശുചിത്വ സന്ദേശ റാലിയും മാർച്ച്‌ 30 ന്
അപ്ലാസ്റ്റിക് അനീമിയ ബാധിച്ച വീട്ടമ്മ തുടർ ചികിത്സയ്ക്കായി സഹായം തേടുന്നു
179-ാമത് ഗാന സംഗമവും മങ്കൊമ്പ് ഗോപാലകൃഷ്ണൻ അനുസ്മരണവും പാലായിൽ നടന്നു
വേനൽമഴ ശക്തമാകും; ഉരുൾപൊട്ടലിന് സാധ്യത!
സമരം 52-ാം ദിവസം: ആശമാരെ വീണ്ടും ചർച്ചക്ക് വിളിച്ച് ആരോഗ്യമന്ത്രി; ചർച്ചയിൽ പ്രതീക്ഷയുണ്ടെന്ന്‌ സമരസമിതി
അരുവിത്തുറ കോളേജിൽ സ്വയംതൊഴിൽ പരിശീലന കളരി
പ്രവിത്താനം സെന്റ് മൈക്കിൾസിൽ അവധിക്കാല കായിക പരിശീലനം ആരംഭിച്ചു
എം ജി യൂണിവേഴ്സിറ്റി കലോത്സവത്തിൽ രാമപുരം മാർ ആഗസ്തിനോസ് കോളേജിന് ഒന്നും മൂന്നും സ്ഥാനം ഉൾപ്പെടെ 14 എ ഗ്രെയ്ഡോടെ മികച്ച നേട്ടം
ചേർപ്പുങ്കൽ ബി വി എം കോളേജിൽ അധ്യാപക ഒഴിവ്