Hot Posts

6/recent/ticker-posts

മികച്ച പ്രവർത്തനത്തിനുള്ള സംസ്ഥാന സർക്കാർ അവാർഡ് മദ്ധ്യകേരള ഫാർമർ പ്രൊഡ്യൂസർ കമ്പനിക്ക് ലഭിച്ചു

കോട്ടയം: കേരളത്തിലെ 200 ൽ അധികം ഫാർമർ പ്രൊഡ്യൂസർ കമ്പനികളിൽ നിന്ന് മികച്ച പ്രവർത്തനത്തിനുള്ള സംസ്ഥാന അവാർഡ് മദ്ധ്യകേരള ഫാർമർ പ്രൊഡ്യൂസർ കമ്പനിക്ക് (M. F. C) ലഭിച്ചതായി മദ്ധ്യകേരള ഫാർമർ പ്രൊഡ്യൂസർ കമ്പനി ചെയർമാൻ ജോർജ് കുളങ്ങര അറിയിച്ചു. 
ഇന്ന് (22-1-2025) തിരുവനന്തപുരത്ത് വെച്ച് നടന്ന ചടങ്ങിൽ സംസ്ഥാന ധനകാര്യ മന്ത്രി കെ. എൻ ബാലഗോപാൽ ട്രോഫി സമ്മാനിച്ചു. കമ്പനിയുടെ കോ: ചെയർമാൻ സാജു കുര്യനും, സി. ഇ. ഓ അനീഷ്‌ തോമസും ചേർന്ന് കമ്പനിക്ക് വേണ്ടി ട്രോഫി ഏറ്റുവാങ്ങി. 
ഈ അവാർഡ് കമ്പനിയുടെ എല്ലാ ഓഹരി ഉടമകളുടെയും കൂട്ടായ പ്രവർത്തനത്തിന്റെ ഫലമാണെന്നും എല്ലാ ഓഹരി ഉടമകളെയും, ഡയറക്ടർമാരെയും, കമ്മറ്റിക്കാരെയും അഭിനന്ദിക്കുന്നതായും കമ്പനി ചെയർമാൻ ജോർജ് കുളങ്ങര അറിയിച്ചു.
മദ്ധ്യകേരള ഫാർമർ പ്രൊഡ്യൂസർ കമ്പനിയുടെ പ്രവർത്തനങ്ങൾ വേഗത്തിൽ പുരോഗമിക്കുകയാണെന്ന് ചെയർമാൻ ജോർജ് കുളങ്ങര പറഞ്ഞു. ഉഴവൂർ, കടുത്തുരുത്തി ബ്ലോക്ക് പഞ്ചായത്തുകൾ, മേഖലയിലെ പഞ്ചായത്തുകൾ, നബാർഡ് തുടങ്ങിയവയുടെ സഹകരണത്തോടെ കാർഷിക മേഖലയിൽ വ്യത്യസ്തമായ പ്രവർത്തനം നടത്തുകയാണ് ലക്ഷ്യം. 
ഗ്രീൻ വേൾഡ് ക്ലീൻ വേൾഡ് ഫൗണ്ടേഷൻ ചെയർമാൻ ജോർജ് കുളങ്ങരയുടെ നേതൃത്വത്തിൽ ആരംഭിച്ച മദ്ധ്യകേരള ഫാർമർ പ്രൊഡ്യൂസർ കമ്പനി കർഷകർക്ക് ആധുനിക കൃഷി രീതികളിൽ പരിശീലനം, മികച്ച വിത്തുകൾ ലഭ്യമാക്കുക, ആധുനിക കാർഷികയന്ത്രങ്ങൾ ലഭ്യമാക്കുക, കാർഷിക ഉൽപന്നങ്ങൾ ശേഖരിച്ച് ശീതീകരിച്ച സംഭരണശാലകളിൽ സൂക്ഷിക്കുക, മൂല്യവർധിത ഉൽപന്നങ്ങൾ നിർമിച്ചു കയറ്റി അയയ്ക്കുക, വില്ലേജ് ടൂറിസവും ഹോം സ്റ്റേയും പ്രോത്സാഹിപ്പിക്കുക എന്നിവയാണ് നടപ്പാക്കുന്നത്. 


Reactions

MORE STORIES

അപ്ലാസ്റ്റിക് അനീമിയ ബാധിച്ച വീട്ടമ്മ തുടർ ചികിത്സയ്ക്കായി സഹായം തേടുന്നു
179-ാമത് ഗാന സംഗമവും മങ്കൊമ്പ് ഗോപാലകൃഷ്ണൻ അനുസ്മരണവും പാലായിൽ നടന്നു
ഡോ. റെജി വർഗ്‌ഗീസ് മേക്കാടനെ രാമപുരം മാർ അഗസ്തീനോസ് കോളേജ് പ്രിൻസിപ്പലായി നിയമിച്ചു
വേനൽമഴ ശക്തമാകും; ഉരുൾപൊട്ടലിന് സാധ്യത!
സമരം 52-ാം ദിവസം: ആശമാരെ വീണ്ടും ചർച്ചക്ക് വിളിച്ച് ആരോഗ്യമന്ത്രി; ചർച്ചയിൽ പ്രതീക്ഷയുണ്ടെന്ന്‌ സമരസമിതി
അരുവിത്തുറ കോളേജിൽ സ്വയംതൊഴിൽ പരിശീലന കളരി
തീക്കോയി ഗ്രാമപഞ്ചായത്ത് മാലിന്യമുക്ത പഞ്ചായത്ത്‌ പ്രഖ്യാപനവും ശുചിത്വ സന്ദേശ റാലിയും മാർച്ച്‌ 30 ന്
പ്രവിത്താനം സെന്റ് മൈക്കിൾസിൽ അവധിക്കാല കായിക പരിശീലനം ആരംഭിച്ചു
എം ജി യൂണിവേഴ്സിറ്റി കലോത്സവത്തിൽ രാമപുരം മാർ ആഗസ്തിനോസ് കോളേജിന് ഒന്നും മൂന്നും സ്ഥാനം ഉൾപ്പെടെ 14 എ ഗ്രെയ്ഡോടെ മികച്ച നേട്ടം
പുതുപ്പള്ളി പള്ളിയുടെ മൂന്നു കിലോമീറ്റർ ചുറ്റളവ് ഉത്സവ മേഖലയായി പ്രഖ്യാപിച്ചു