കോട്ടയം: ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി (ഐഐഐടി) കോട്ടയം ആറാമത് ബിരുദദാന ചടങ്ങ് 2024 ഫെബ്രുവരി 22-ന് വിപുലമായ പരിപാടികളോടെ നടത്തും. ഇന്ത്യയിലെ പ്രമുഖ സാങ്കേതിക സ്ഥാപനങ്ങളിലൊന്നായ ഐഐഐടി കോട്ടയം, കേന്ദ്ര വിദ്യാഭ്യാസ മന്ത്രാലയത്തിന് കീഴിലുള്ള സ്വയംഭരണ സ്ഥാപനമാണ്.
ഭാരത സർക്കാരിൻ്റെ ധനകാര്യ മന്ത്രി നിർമ്മല സീതാരാമൻ ബിരുദദാന ചടങ്ങിൽ മുഖ്യാതിഥിയാകും. വൈകുന്നേരം 4:30-ന് ആരംഭിക്കുന്ന ചടങ്ങിൽ ഐഐഐടി കോട്ടയം ചെയർപേഴ്സൺ ഡോ. വിജയലക്ഷ്മി ദേശ്മാനെ അധ്യക്ഷത വഹിക്കും.

ഈ വർഷം 217 ബി.ടെക് ബിരുദധാരികൾക്കും, 55 എം.ടെക് ബിരുദധാരികൾക്കും, 5 പി.എച്ച്.ഡി. സ്കോളർമാർക്കും, 1 ബി.ടെക്-എം.എസ്. സ്കോളർക്കും ബിരുദങ്ങൾ സമ്മാനിക്കും.

2015-ൽ സ്ഥാപിതമായ ഐഐഐടി കോട്ടയം, ഇന്ത്യയിലെ ഏറ്റവും പ്രഗത്ഭമായ ടെക്നോളജി ഇൻസ്റ്റിറ്റ്യൂഷനുകളിൽ ഒന്നായി മാറിയിട്ടുണ്ട്. പ്രധാനമായും ഐടി, എൻബിള്ഡ് മേഖലകളിൽ ഊന്നൽ നൽകുന്ന ഈ സ്ഥാപനത്തിൽ പഠിക്കുന്ന വിദ്യാർത്ഥികൾക്ക് തുടർച്ചയായി മികച്ച ശമ്പളത്തോടെ തൊഴിൽ അവസരങ്ങൾ ലഭിക്കുകയാണ്. ഇതിന്റെ ഫലമായി ഇന്ത്യയിലുടനീളമുള്ള വിദ്യാർത്ഥികൾക്കിടയിൽ ഐഐഐടി കോട്ടയം പ്രിയപ്പെട്ട ഡെസ്റ്റിനേഷനായി മാറിയിരിക്കുന്നു എന്ന് റജിസ്ട്രാർ ഡോ. എം. രാധാകൃഷ്ണൻ അറിയിച്ചു.

റിസർച്ച്, പേറ്റന്റ് എന്നിവ ഉൾപ്പെടെയുള്ള മേഖലകളിൽ കുറഞ്ഞ കാലത്തിനുള്ളിൽ തന്നെ അസാധാരണമായ നേട്ടങ്ങൾ കൈവരിച്ച ഐഐഐടി കോട്ടയം, ഇന്ത്യയിലെ മുൻനിര സാങ്കേതിക വിദ്യാഭ്യാസ സ്ഥാപനങ്ങളിൽ അഗ്രഗണ്യസ്ഥാനത്ത് എത്തിച്ചേർന്നിരിക്കുന്നു. ഐഐഐടി കോട്ടയം യഥാർത്ഥത്തിൽ ഒരു ഉന്നത സാങ്കേതിക വിദ്യാലയമെന്നത് മാത്രമല്ല, ഇന്ത്യയിലെ ഉത്കൃഷ്ടമായ ഐടി-എൻജിനീയറിങ് പ്രൊഫഷണലുകളെ സൃഷ്ടിക്കുന്ന പ്രഥമനിര കേന്ദ്രവുമാണ്.
നിങ്ങൾക്കും ചുരുങ്ങിയ കാലം കൊണ്ട് മീഡിയ പ്രൊഫഷണലാകാം!
ബി എം ടിവിയുടെ മീഡിയ ക്രാഷ് കോഴ്സുകളിലേക്ക് അഡ്മിഷൻ ആരംഭിച്ചിരിക്കുന്നു. നിശ്ചിത സീറ്റുകൾ മാത്രം!
ന്യൂസ് / വീഡിയോ എഡിറ്റിംഗ്, ന്യൂസ് വീഡിയോഗ്രഫി / ഫോട്ടോഗ്രഫി, ലൈവ് ടെലികാസ്റ്റിംഗ്, ന്യൂസ് റീഡിങ്, ആങ്കറിങ്, സ്റ്റേജ് കോമ്പെയറിങ്, റിപ്പോർട്ടിംഗ്, കണ്ടന്റ് റൈറ്റിംഗ് എന്നിവയിൽ ജോലി ചെയ്ത് പഠിക്കാൻ അവസരം. ഉടൻ രജിസ്റ്റർ ചെയ്യൂ - https://forms.gle/gcdPsW2VTy4m9bgD6 കൂടുതൽ വിവരങ്ങൾക്ക് വിളിക്കൂ - 7012701800