പാലാ: ആദ്യ കാലങ്ങളിൽ പെൻഷൻ കെഎസ്ആർടിസി യുടെ വരുമാനത്തിൽ നിന്നും നൽകിയെങ്കിലും കെഎസ്ആർടിസി യിലെ പ്രവർത്തന ചിലവുകൾ വർദ്ധിക്കുകയും, പെൻഷൻ വിതരണം ചെയ്യാൻ കഴിയാതെ വന്നതിനെ തുടർന്ന് പെൻഷൻ മുടങ്ങുകയും നിരവധി പെൻഷൻകാർ ആത്മഹത്യയിൽ അഭയം പ്രാപിക്കേണ്ടിവന്നതായും ട്രാൻസ്പോർട്ട് പെൻഷനേഴ്സ് ഫ്രണ്ട് പാലാ മീഡിയ അക്കാദമിയിൽ നടത്തിയ വാർത്താ സമ്മേളനത്തിൽ പറഞ്ഞു.
നിങ്ങൾക്കും ചുരുങ്ങിയ കാലം കൊണ്ട് മീഡിയ പ്രൊഫഷണലാകാം!
ബി എം ടിവിയുടെ മീഡിയ ക്രാഷ് കോഴ്സുകളിലേക്ക് അഡ്മിഷൻ ആരംഭിച്ചിരിക്കുന്നു. നിശ്ചിത സീറ്റുകൾ മാത്രം!
ന്യൂസ് / വീഡിയോ എഡിറ്റിംഗ്, ന്യൂസ് വീഡിയോഗ്രഫി / ഫോട്ടോഗ്രഫി, ലൈവ് ടെലികാസ്റ്റിംഗ്, ന്യൂസ് റീഡിങ്, ആങ്കറിങ്, സ്റ്റേജ് കോമ്പെയറിങ്, റിപ്പോർട്ടിംഗ്, കണ്ടന്റ് റൈറ്റിംഗ് എന്നിവയിൽ ജോലി ചെയ്ത് പഠിക്കാൻ അവസരം. ഉടൻ രജിസ്റ്റർ ചെയ്യൂ - https://forms.gle/gcdPsW2VTy4m9bgD6 കൂടുതൽ വിവരങ്ങൾക്ക് വിളിക്കൂ - 7012701800
പെൻഷൻ സമയത്തു കോടതി ഉത്തരവിൻ പ്രകാരം നൽകാത്തതിനെ തുടർന്ന് കഴിഞ്ഞ രണ്ടര വർഷമായി പതിമൂന്നു കോടതി അലക്ഷ്യ ഹർജികൾ ഫയൽ ചെയ്തു. അന്യ സംസ്ഥാന തൊഴിലാളികൾക്ക് ഉൾപ്പെടെ സമൂഹത്തിന്റെ എല്ലാ വിഭാഗം ജനങ്ങൾക്കും ഫെസ്റ്റിവൽ അലവൻസ് നൽകിയിട്ടും കഴിഞ്ഞ ആറു വർഷമായി അതു നിഷേധിക്കുന്ന ഒരേ ഒരു വിഭാഗം കെഎസ്ആർടിസി പെൻഷൻകാർ മാത്രമാണെന്ന് ട്രാൻസ്പോർട്ട് പെൻഷനേഴ്സ് ഫ്രണ്ട് അംഗങ്ങൾ പറഞ്ഞു.
കെഎസ്ആർടിസി യിൽ 1984 ഏപ്രിൽ മുതൽ അന്നു വരെ നിലനിന്നിരുന്ന പങ്കാളിത്ത പെൻഷൻ പദ്ധതി നിർത്തലാക്കി പകരം കെഎസ്ആർ പാർട്ടു മൂന്നു പ്രകാരമുള്ള സ്റ്റാറ്റ്യൂട്ടറി പെൻഷൻ സർക്കാർ ഒരു കാബിനറ്റ് തീരുമാന പ്രകാരം നടപ്പിലാക്കി. 2014 ൽ പെൻഷൻ സ്റ്റാറ്റ്യൂട്ടറിയാണെന്ന ഉത്തരവ് വാങ്ങി. ആ ഉത്തരവു ചൂണ്ടിക്കാട്ടി പല പല നിവേദനങ്ങൾ പ്രധാനമന്ത്രി, ഗവർണർ, മുഖ്യമന്ത്രി എന്നിവർക്കു നൽകിയെങ്കിലും പെൻഷൻ വിതരണം കാര്യക്ഷമമായി വിതരണം ചെയ്തില്ല.
2016 ൽ കെഎസ്ആർടിസി യിലെ എല്ലാ പ്രശ്നങ്ങളും സമയബന്ധിതമായി പരിഹരിക്കുമെന്നു പ്രകടനപത്രികയിലൂടെ വാഗ്ദാനം ചെയ്തു് നമ്മൾ എൺപതിനായിരം കുടുംബങ്ങളിലെ ലക്ഷക്കണക്കിനായവരുടെ വോട്ട് വാങ്ങി അധികാരത്തിൽ വന്ന ഇടതുപക്ഷ സർക്കാർ, അഞ്ചു മാസം തുടർച്ചയായി പെൻഷൻ നൽകാതെ നിരവധി സഹപ്രവർത്തകരായ സഹോദരങ്ങൾക്കു ആത്മഹത്യയിൽ അഭയം പ്രാപിക്കേണ്ടി വന്നുവെന്നും.
മാധ്യമങ്ങൾ ഒന്നടങ്കം മനുഷ്യ മനസ്സിനെ മരവിപ്പിക്കുന്ന വിഷയം പൊതു സമൂഹത്തിനു മുന്നിൽ അവതരിപ്പിച്ചു. അവസാനം 2018 ൽ കെഎസ്ആർടിസി പെൻഷൻ വിതരണം സഹകരണ ബാങ്കുകളുടെ കൺസോർഷ്യം വഴി നൽകുന്നതിനു സർക്കാർ ഗതികെട്ട് തീരുമാനിച്ചു. തുടർന്നു കുറച്ചു കാലം പെൻഷൻ വിതരണം വലിയ മുടക്കമില്ലാതെ നടന്നു. എന്നാൽ പിന്നീട് എപ്പോഴെങ്കിലും നൽകുന്ന അവസ്ഥയായി. വന്നതിനെ തുടർന്ന് 2014 ൽ ഹൈക്കോടതിയിൽ നിന്നും പെൻഷൻ സ്റ്റാറ്റ്യൂട്ടറിയാണെന്ന വിധി വാങ്ങാനായി ആദ്യമേ ഇറങ്ങി പുറപ്പെട്ട ട്രാൻസ്പോർട്ട് പെൻഷനേഴ്സ് ഫ്രണ്ട്, 2021 നവംബറിൽ സ്റ്റാറ്റ്യൂട്ടറി പെൻഷൻ മറ്റു ഡിപ്പാർട്ട്മെന്റുകളിലെ പോലെ മാസമാദ്യം നൽകണം, 2016,2021 എന്നീ വർഷങ്ങളിലെ പെൻഷൻ പരിഷ്കരണം സർക്കാർ ഡിപ്പാർട്ട്മെന്റ് പെൻഷനേഴ്സിനു തുല്ല്യമായി നമുക്കും പരിഷ്കരിച്ചു
കുടിശ്ശിക ഉൾപ്പെടെ നൽകണമെന്നും ആവശ്യപ്പെട്ടു നൽകിയ ഹർജിയിൽ പെൻഷൻ സർക്കാർ നൽകേണ്ടതാണെന്നും അതു എല്ലാ മാസവും ആദ്യത്തെ ആഴ്ചയിൽ കഴിയുമെങ്കിൽ അഞ്ചു ദിവസത്തിനുള്ളിൽ നൽകണമെന്നും പെൻഷൻ പരിഷ്കരണം സമയബന്ധിതമായി നടപ്പാക്കണമെന്നും ഉത്തരവായി.
നിലവിൽ പെൻഷൻ സർക്കാർ നേരിട്ട് നൽകണമെന്നുള്ള ഉത്തരവിനെതിരെ, സർക്കാർ റിവ്യൂ ഹർജി നൽകിയിരിക്കുകയാണ്. കേരളത്തിലെ നാല്പത്തി മൂവായിരം കുടുംബങ്ങൾക്ക് പെൻഷൻ വിതരണം ചെയ്യേണ്ടത്, ജോലി ചെയ്തവർക്ക് സമയത്തു ശമ്പളം നൽകാൻ പോലും കഴിയാത്ത കെഎസ്ആർടിസി ആണെന്ന വിചിത്രമായ വാദമാണ് മനുഷ്യത്വം തൊട്ടുതീണ്ടിയിട്ടില്ലാത്ത ഈ സർക്കാരിന്റെതെന്ന് മീഡിയാ അക്കാഡമിയിൽ നടന്ന വാർത്താ സമ്മേളനത്തിൽ അശോക് കുമാർ, എ വി സാമുവേൽ, ടി.എസ് ഗോപാലകൃഷ്ണൻ, എം.ജി രവീന്ദ്രൻ നായർ, എം.എൻ വേണുഗോപാലൻ, കെ.കെ സുകുമാരൻ, കെ.പി രാമചന്ദ്രൻ, തോമസ് വർഗീസ് എന്നിവർ പറഞ്ഞു.
