ഈരാറ്റുപേട്ട: മൂന്നിലവ് അഞ്ചു കുടിയാർ മലയോര മേഖലയിലുള്ള ഗ്രാമ നിവാസികൾ അതീവ യാത്രാ ദുരിതത്തിൽ. ഇവിടെയുള്ള ആളുകൾ അധികവും തൊഴിലുറപ്പ് മേഖലയിലും ദിവസക്കൂലിക്കും പണിയെടുക്കുന്നവരാണ്. 125 ഓളം കുടുംബങ്ങൾ തിങ്ങിപ്പാർക്കുന്ന ഈ മേഖലയിൽ അധികവും പട്ടികവർഗ്ഗ വിഭാഗക്കാരാണ്.
പണി സ്ഥലത്തുനിന്ന് തിരികെ പോകുന്നതിന് പണിക്കൂലിയേക്കാൾ കൂടുതൽ തുക ഓട്ടോയ്ക്കും ജീപ്പിനുമായി നൽകേണ്ട ദുരിത സാഹചര്യത്തിലാണ് അഞ്ചു കുട്ടിയാർ നിവാസികൾ. ഇതോടെ യാത്രാക്ലേശം പരിഹരിക്കുന്നതിനായി കെഎസ്ആർടിസി ബസ് സർവീസുകൾ ആരംഭിക്കണമെന്ന് ആവശ്യം ശക്തമായി.
ഇതിൻ്റെ ഭാഗമായി കെഎസ്ആർടിസി അധികാരികൾക്ക് പൗരസമിതിയും ഗ്രാമസഭയും നിവേദനം സമർപ്പിച്ചു കഴിഞ്ഞു. ബസ് ആവശ്യപ്പെട്ടുകൊണ്ടുള്ള ഒപ്പ് സമാഹരണവും നടന്നു. 2023 ഡിസംബർ വരെ ഇവർക്ക് ഏക ആശ്വാസമായിരുന്ന രാവിലെയും വൈകുന്നേരവുമായി ഒരു നേരം ഓടിക്കൊണ്ടിരുന്ന കെഎസ്ആർടിസി ബസ് സർവീസ് ശബരിമല സീസണിൽ ഓടാൻ പോയതിനുശേഷം തിരികെ വന്നിട്ടില്ല.
ഒരു വർഷമായി ഈ നാട്ടിലെ ഏക കെഎസ്ആർടിസി ബസ് നിർത്തലാക്കിയിരിക്കുന്നതാണ് യാത്രാക്ലേശം അതീവ ദുരിതത്തിൽ ആകാൻ കാരണമെന്ന് നാട്ടുകാർ പറഞ്ഞു. രാവിലെയും വൈകുന്നേരവും ഈ ബസ്സുകളിൽ നിറയെ ആളുകൾ യാത്ര ചെയ്യുന്ന പതിവുണ്ടായിരുന്നു. എന്നിട്ടും നാട്ടിലേക്ക് ഉണ്ടായിരുന്ന ഏക ബസ് ട്രിപ്പ് മുടക്കിയതിൽ നാട്ടുകാർക്ക് അമർഷമുണ്ട്.
കൂടാതെ ഈ ഭാഗത്തേക്കുള്ള തകർന്നുകൊണ്ടിരിക്കുന്ന അവസ്ഥയിലുള്ള റോഡുകളുടെ അറ്റകുറ്റപ്പണിയും അടിയന്തരമായി നടത്തേണ്ടതുണ്ട് എന്ന് ആവശ്യപ്പെട്ടു. ഈ മലയോര ഗ്രാമത്തിൽ നിന്നും വിവിധ സ്കൂളുകളിലേക്ക് പഠനത്തിനും കോളജിലേക്ക് ഉപരിപഠനത്തിനുമായി പോകുന്ന നിരവധി വിദ്യാർത്ഥികൾക്ക് കൂടി ഈ ബസ് സർവീസ് മുടങ്ങിയത് ഏറെ യാത്ര ദുരിതമാണ് സമ്മാനിക്കുന്നത്.
പഞ്ചായത്ത് തലത്തിലും ചില നാളുകൾക്കു മുമ്പ് കെഎസ്ആർടിസി ബസ് അനുവദിക്കണം എന്നുള്ള നിവേദനം സർക്കാർ തലങ്ങളിൽ സമർപ്പിച്ചിട്ടും അതുവരെ ഓടിക്കൊണ്ടിരുന്ന കെഎസ്ആർടിസി ബസ് പരിപൂർണ്ണമായി നിർത്തലാക്കിയതിൽ ദുരൂഹതയുണ്ടെന്ന് നാട്ടുകാർ ആരോപിച്ചു. ഈ അവസ്ഥ അനിശ്ചിതമായി തുടരുകയാണെങ്കിൽ അതിശക്തമായ സമരപരിപാടികൾക്ക് നേതൃത്വം നൽകുമെന്ന് ഗ്രാമവാസികൾ ആവശ്യപ്പെട്ടു.
നിങ്ങൾക്കും ചുരുങ്ങിയ കാലം കൊണ്ട് മീഡിയ പ്രൊഫഷണലാകാം!
ബി എം ടിവിയുടെ മീഡിയ ക്രാഷ് കോഴ്സുകളിലേക്ക് അഡ്മിഷൻ ആരംഭിച്ചിരിക്കുന്നു. നിശ്ചിത സീറ്റുകൾ മാത്രം!
ന്യൂസ് / വീഡിയോ എഡിറ്റിംഗ്, ന്യൂസ് വീഡിയോഗ്രഫി / ഫോട്ടോഗ്രഫി, ലൈവ് ടെലികാസ്റ്റിംഗ്, ന്യൂസ് റീഡിങ്, ആങ്കറിങ്, സ്റ്റേജ് കോമ്പെയറിങ്, റിപ്പോർട്ടിംഗ്, കണ്ടന്റ് റൈറ്റിംഗ് എന്നിവയിൽ ജോലി ചെയ്ത് പഠിക്കാൻ അവസരം. ഉടൻ രജിസ്റ്റർ ചെയ്യൂ - https://forms.gle/gcdPsW2VTy4m9bgD6 കൂടുതൽ വിവരങ്ങൾക്ക് വിളിക്കൂ - 7012701800
